Brailvi Books

    پیارے اسلامی بھائیو! ہماری مکمل کوشش یہی ہونی چاہے کہ کھانا اشراق چاشت کے بعدسے لے کر مدنی مشورے کا حلقہ شروع ہونے سے پہلے پہلے تیار کر لیا جائے۔اس کا فائدہ یہ ہوگا کہ ہمارے تربیت کے حلقے متاثر نہیں ہونگے کیونکہ اگر ہم بتائے گئے وقت میں کھانا تیار نہیں کریں گے تو اس کا نقصان یہ ہو گا کہ جیسے ہی حلقہ شروع ہوگا،خیرخواہ اسلامی بھائی کھانا بنانے میں مصروف ہوجائیں گے اور سیکھنے کی سعادت سے محروم رہیں گے ۔پھر اگر قافلہ میں چھ اسلامی بھائی ہیں تو باقی چاراسلامی بھائیوں میں سے کوئی استنجاء ووضوکیلئے چلا گیا، اور بقیہ رہ جانے والے اسلامی بھائیوں میں کوئی بوریت محسوس کرتے ہوئے لیٹ گیا یا وہ بھی کسی بہانے ادھرادھر ہوگیا توپورا حلقہ متأثر ہوجائے گا اوریوں جدول پرکماحقہ عمل کی کوشش ناکام ہو جائے گی ۔