Brailvi Books

میں بتا بھی دے تو مختلف حیلوں بہانوں سے اپنے فعل کو جائز قراردینے کی کوشش کی جاتی ہے۔ رہے عقائد تو ان کا معاملہ سب سے زیادہ نازک ہے کہ ہماری اکثریت تشویش کی حد تک اپنے عقائد سے نابلد ہے جس کی وجہ سے ایسے کلمات بھی بک دیئے جاتے ہیں جنہیں علمائے کرام نے کفر قرار دیا ہے (کفریہ کلمات کی معلومات کے لئے امیر ِ اہلِ سنت مد ظلہ العالی کے رسالہ ''اٹھائیس کلماتِ کفر''کا مطالعہ فرمائیں)۔صرف اسی پر بس نہیں بلکہ گناہوں کا ایک سیلاب ہے جس میں مسلمان بہتے چلے جارہے ہيں ، جھوٹ، غیبت ،چغلی ، چوری ، قتل ، جواء، سود کا لین دین ، زناء ، امانت میں خیانت ، والدین کی نافرمانی ، مسلمانوں کو بلاوجہ شرعی اذیت دینا ، بغض وکینہ ، تکبر ، حسد ۔۔۔۔۔۔الغرض وہ کون سا گناہ ہے جس کا ارتکاب آج ہمارے معاشرے میں کثرت سے نہیں کیا جارہا ہے ؟