الحمد للہ عزوجل ہم مسلمان ہیں ۔ مسلمان کاہر کام اللہ عزوجل اور اس کے پیارے حبیب صلي اللہ عليہ وسلم کی خوشنودی کے لئے ہونا چاہے ۔ مگر بد قسمتی سے آج ہماری اکثریت نیکی کے راستے سے دور ہوتی جارہی ہے۔ شاید اسی وجہ سے ہمیں طرح طرح کی پریشانیوں کا سامنا ہے۔ کوئی بیمار ہے تو کوئی قرضدار ، کوئی گھریلو ناچاقیوں کا شکار ہے تو کوئی تنگدست و بے روزگار ، کوئی اولاد کا طلبگار ہے تو کوئی نافرمان اولاد کی وجہ سے بیزار۔ الغرض ہر ایک کسی نہ کسی مصیبت میں گرفتار ہے ۔ یقینا یہ سب پریشانیاں ہماری شامتِ اعمال کا نتیجہ ہیں ۔ نجات تمام جہانوں کے پالنے والے خدا احکم الحاکمین جل جلالہ کی اطاعت اور مؤمنین پر رحم و کرم فرمانے والے رسول کریم رؤف رحیم صلی اللہ تعالیٰ علیہ واٰلہٖ وسلم کی سنتوں کی اتباع میں ہے۔
