کسی کی د ینی الجھن دُ ور کرنا سو حج کرنے سے بہتر ہے ! مَذہَبِ مُہَذَّبْ مالِکِیّہ کے عظیمُ المرتبت پَیشوا اور زبردست عاشق رسول صلی اللہ تعالیٰ علیہ وَ الہٖ وسلّم جنہوں نے اپنی تمام تر زندگی اَمْر بِا المَعْرُوْف وَ نَہی عَنِ الْمُنْکَر میں بسر کی بِسترِ مَرْگ پر بھی اس اَہم فریضہ کو نہ بھولے۔ آخری وقت بھی اسلامی بھائیوں کو جو وصیت فرمائی اس میں اَمْر بِا المَعْرُوْف وَ نَہی عَنِ الْمُنْکَرپر زور دیا۔ چنانچہ آپ کے آخری کلمات نقل کرتے ہوئے حضرتِ یحیٰ بن یحیٰ رحمۃ اللہ تعالیٰ علیہ فرماتے ہیں :۔
'' اس کے بعد حضرت مالک رضی اللہ تعالیٰ عنہ، نے رَبیع رحمۃ اللہ تعالیٰ علیہ کی ایک روایت بیان کی ۔ کہ کسی شخص کو نماز کے مسائل بتانا رُوئے زمین کی تمام دولت صدقہ کرنے سے بہتر ہے ۔ اور کسی کی دینی الجھن دُور کردینا سو حج کرنے سے افضل ہے ۔ اور ابن ِ شہاب زُہری رحمۃ اللہ تعالیٰ علیہ کی روایت سے بتایا کہ کسی شخص کو دینی مشورہ دینا سو غزوات میں جہاد کرنے سے بہتر ہے ۔ یحیٰ بن یحیٰ رحمۃ اللہ کہتے ہیں اس گفتگو کے بعد امام مالک رضی اللہ تعالیٰ عنہ، نے کوئی بات نہیں کی اور اپنی جان جانِ آفرین کے سُپرد کردی''۔
