Brailvi Books

نیکیوں کی جزائیں اور گناہوں کی سزائیں

87 - 133

حُسنِ سلوک

    مرد پر لازم ہے کہ وہ اپنی زوجہ ،اولاد،غلاموں اورباندیوں کے ساتھ حسنِ سلوک سے پیش آئے ان کو کھاناکھلانا،کپڑے مہیاکرنااور دینی(فرض) اُمور کی تعلیم دینابھی اس پر لازم ہے اور یہ سب حلال طریقہ سے کرے اور اس کے لئے ان معاملات میں کسی بھی وجہ سے کوتاہی جائز نہیں جیسا کہ اللہ عزوجل ارشاد فرماتاہے:

 (9) یٰۤاَیُّہَا الَّذِیۡنَ اٰمَنُوۡا قُوۡۤا اَنۡفُسَکُمْ وَ اَہۡلِیۡکُمْ نَارًا وَّ قُوۡدُہَا النَّاسُ وَ الْحِجَارَۃُ عَلَیۡہَا مَلٰٓئِکَۃٌ غِلَاظٌ شِدَادٌ لَّا یَعْصُوۡنَ اللہَ مَاۤ اَمَرَہُمْ وَ یَفْعَلُوۡنَ مَا یُؤْمَرُوۡنَ ﴿6﴾

ترجمہ کنزالایمان:اے ایمان والو اپنی جانوں اور اپنے گھر والوں کو آگ سے بچاؤجس کے ایندھن آدمی اور پتھر ہیں اُس پرسخت کرّے(طاقتور)فرشتے مقرر ہیں جو اللہ کاحکم نہیں ٹالتے اور جو انہیں حکم ہو وہی کرتے ہیں ۔ ( پ28،تحریم: 6)

    (اس آیتِ کریمہ میں )اللہ عزوجل نے انسان کو حکم دیاہے کہ وہ اپنے آپ کو (جہنم کی) آگ سے بچائے اور اپنے گھر والوں کو بھی اسی طرح اس سے بچائے جس طرح اپنے آپ کوبچاتا ہے ۔''

(۱۸)۔۔۔۔۔۔ سرکارِ مدینہ ،قرارِ قلب و سینہ ،با عثِ نُزولِ سکینہ صلی اللہ تعالیٰ علیہ وآلہ وسلم کافرمانِ عالیشان ہے :''بروزِقیامت ہر حاکم سے اس کی رعایا کے بارے میں سوال ہوگا،مرد اپنے گھر والوں پر حاکم ہے اُس سے اُن کے متعلق پوچھاجائے گااور عورت اپنے شوہر کے مال میں حاکم ہے اس سے اس کے متعلق باز پُرس ہوگی ۔''

(۱۹)۔۔۔۔۔۔نبئ کریم،رء ُوف رحیم صلی اللہ تعالیٰ علیہ وآلہ وسلم كافرمان ہے:''مرد اپنے رب عزوجل سے اس حال میں ملے گاکہ اس کاکوئی گناہ اس سے بڑھ کر نہ ہوگاکہ وہ(دنیا