اس اعتبار سے اسم کی تین اقسام ہیں: واحد ، مثنّٰی اورمجموع۔(۱)
(۱)واحدکی تعریف: وہ اسم جو ایک فرد پر دلالت کرے۔ جیسے: رَجُلٌ۔
(۲)مثنی کی تعریف: وہ اسم جو دوافراد پر دلالت کرے اس بناء پر کہ اس کے آخر میں الف یا یاء ما قبل مفتوح اور نون مکسور ہو۔جیسے:رَجُلَانِ اوررَجُلَیْنِ۔
(۳)مجموع کی تعریف:
وہ اسم جو دو سے زائد افراد پر دلالت کرے اس بناء پر کہ اس کے واحد کے آخرمیں لفظاً یا تقدیراً کوئی تبدیلی ہوئی ہو۔لفظاً تبدیلی کی مثال :رِجَالٌ ہے اور تقدیراً تبدیلی کی مثال:فُلْک ٌہے ؛ کہ اس کا واحد بھی فُلْکٌ ہے قُفْلٌ کے وزن پراور اس کی جمع بھی فُلْکٌ ہے اُسْدٌ کے وزن پر۔