Brailvi Books

نحو مِير

148 - 202

مضاف یا مشابہ مضاف نہ ہو۔ مشابہ مضاف :وہ اسم ہے جو مضاف نہ ہو لیکن کسی چیز سے اس طرح متعلق ہو کہ اس کے بغیر معنی مکمل نہ ہو۔ جیسے مضاف الیہ کے بغیرمضاف کا معنی مکمل نہیں ہوتا ۔مثلاً:

یَا طَالِعاً جَبَلاً۔

(90)۔۔۔۔۔۔منصرف:

    وہ اسم جس میں منع صرف کے نو سببوں میں سے دویا ایک قائم مقام دو کے نہ پایا جائے۔ حکم :اس پر کسرہ اور تنوین آسکے۔ جیسے:

مَرَرْتُ بِزَیْدٍ۔

 (91)۔۔۔۔۔۔غیر منصرف:

    وہ اسم جس میں منع صرف کے نو سببوں میں سے دو یا ایک قائم مقام دو کے پایا جائے۔ حکم:اس پر کسرہ اور تنوین نہ آسکے ۔جیسے:

مَرَرْتُ بِعُمَرَ۔

 (92)۔۔۔۔۔۔اسباب منع صرف:

    (۱)عدل (۲)وصف (۳)تانیث (۴)معرفہ (۵)عجمہ (۶)جمع (۷) ترکیب (۸)وزن فعل (۹)الف نون زائدتان۔

(93)۔۔۔۔۔۔صحیح:

    نحویوں کی اصطلاح میں :وہ لفظ جس کے آخر میں حرف علت نہ ہو۔ جیسے:

رَجَلٌ، زَیْدٌ۔

صرفیوں کے نزدیک:وہ لفظ جس کے فاء عین اور لام کے مقابل حرف علت، ہمزہ یا دو حرف ایک جنس کے نہ پائے جائیں۔

(94)۔۔۔۔۔۔جاری مجری صحیح:

    جس کے آخر میں حرف علت اور اس کا ماقبل ساکن ہو ۔جیسے:

دَلْوٌ، ظَبْیٌ۔

(95)۔۔۔۔۔۔اسم مقصور:

    وہ اسم جس کے آخر میں الف مقصورہ ہو۔ جیسے:

مُوْسٰی، اَلْعَصَا۔

(96)۔۔۔۔۔۔اسم منقوص:

    وہ اسم جس کے آخر میں یاء اور اس کا ماقبل مکسور ہو۔ جیسے:اَلْقَاضِیْ۔