Brailvi Books

نحو مِير

143 - 202

 (53)۔۔۔۔۔۔ضمیر مجرور:

    وہ ضمیر جو محل جر میں واقع ہو۔، یعنی مضاف الیہ ہویا مجرورِ جار۔جیسے:غُلَامُہ، اور لَہٗ میں ہُ۔ 

(54)۔۔۔۔۔۔ضمیر متصل:

    وہ ضمیر ہے جو اپنے عامل کے ساتھ ملی ہوئی ہو اور اس سے مقدم نہ ہو سکے۔ جیسے:

ضَرَبْتُ، سَمِعَہ، اور لَہٗ۔

(55)۔۔۔۔۔۔ضمیر منفصل:

    وہ ضمیر جو اپنے عامل سے جدا ہو اور اس پر مقدم ہو سکے۔ جیسے:ھُوَ اور اِیَّاہ،، سورہ فاتحہ میں ہے:

 (اِیَّاکَ نَعْبُدُ)۔

 (56)۔۔۔۔۔۔ضمیر بارز:

    وہ ضمیر جو پڑھنے میں آئے ۔جیسے:قُلْتُ میں تاء ضمیر۔

(57)۔۔۔۔۔۔ضمیر مستتر:

    وہ ضمیر جو پڑھنے میں نہ آئے، بلکہ سمجھی جائے۔ جیسے:اِضْرِبْ میں مخاطب کی ضمیر سمجھی جاتی ہے اور اسے أَنْتَ سے تعبیر کیا جاتاہے۔

(58)۔۔۔۔۔۔ضمیر جاءز الاستتار:

    وہ پوشیدہ ضمیر جس کی جگہ اسم ظاہر فاعل بن سکے۔ جیسے :

زید ضرب،

فعل میں پوشیدہ ضمیر فاعل ہے۔ اگر

ضَرَبَ زَیْدٌ

کہا جائے تو زَ یْدٌ فاعل بن جائے گا۔

(59)۔۔۔۔۔۔ضمیر واجب الاستتار:

    وہ پوشیدہ ضمیر جس کی جگہ اسم ظاہر فاعل نہ بن سکے۔ جیسے:أَضْرِبُ اس میں ضمیر متکلم فاعل ہے۔ اگر أَضْرِبُ أَنَا کہا جائے تو أَنَا تاکید ہے نہ کہ فاعل۔

(60)۔۔۔۔۔۔اسم اشارہ:

    وہ اسم ہے جو آنکھوں دیکھی چیز کی طرف کسی عضو سے اشارہ کرنے کے لیے