روایت ہے حضرت نعمان ابن بشیر سے ۱؎ وہ حضرت حذیفہ سے راوی فرماتے ہیں،فرمایا رسول اللہ صلی اللہ علیہ و سلم نے تم میں نبوت رہے گی جب تک اس کا رہنا اللہ چاہے پھر اسے اللہ اٹھالے گا ۲؎ پھر ہوگی خلافت نبوت کے راستہ پر جب تک اللہ اس کا ہونا چاہے۳؎ پھر اسے بھی اللہ اٹھالے گا ۴؎ پھر کنکھنا ملک ہوگا ۵؎ پھر وہ رہے گا جب تک اللہ اس کا رہنا چاہے پھر اسے اللہ اٹھا لے گا پھر جبریہ سلطنت ہوگی۶؎ وہ بھی رہے گی جب تک اللہ اس کا رہنا چاہے،پھر اسے اللہ اٹھالے گا،پھر خلافت نبوۃ کی شہ راہ پر ہوگی ۷؎ پھر حضور خاموش ہوگئے،حبیب کہتے ہیں ۸؎ پھر جب عمر ابن عبدالعزیز قائم ہوئے تو میں نے انہیں یہ حدیث لکھ بھیجی میں ان کو یہ حدیث یاد دلاتا تھا میں نے کہا کہ مجھے امید ہے کہ آپ کنکھنے اور جبریہ ملک کے بعد مسلمانوں کے امیر ہوئے ۹؎ تو آپ اس سے بہت خوش ہوئے اور عمر ابن عبدالعزیز کو یہ بہت پسند آئی۱۰؎(احمد،بیہقی دلائل النبوۃ)
