۱؎ یعنی لفظ خیر البریہ حضرت ابراہیم علیہ السلام پر سجتا ہے کہ وہ اللہ کے خلیل بھی ہیں اور حضرات انبیاء علیہم السلام کے والد بھی،کعبہ بنانے والے بھی،مکہ بسانے والے بھی،میری اصل بھی۔حضور انور کا یہ فرمان عالی تواضعًا ہیں ورنہ حضور صلی اللہ علیہ و سلم ہمیشہ کے لیے خیر البریہ ہیں،حضرت خلیل اپنے زمانہ میں خیر البریہ تھے لہذا یہ حدیث ان احادیث کے خلاف نہیں انا سید ولد ادم ادم ومن سواہ تحت لوائی وغیرہ کہ ان احادیث میں واقعہ کا ذکر ہے اور یہاں تواضع و انکسار کا اظہار جیسے کوئی بڑا آدمی اپنے سے ماتحت کا احترام کرے اورکرائے۔
