Brailvi Books

۱؎  یعنی مسجدوں میں نماز کے لیے سفید کپڑے پہن کر آؤ اور قبروں میں سفید کفن لے کر جاؤ  کہ رب تعالٰی سفید  لباس پسند فرماتا ہے ۔مؤمن مر کر اللہ  تعالٰی سے ملاقات کرتا ہے  تو چاہیے کہ  سفید کفن  میں ملاقات کرے۔(مرقات)نیز مرتے ہی حضور کا دیداربھی ہوتا ہے دوسرے مسلمانوں کی ملاقاتیں بھی،تو چاہیے کہ یہ سب کچھ سفید کفن میں ہو اسی لیے کفن میں خوشبو ملتے ہیں کہ مدینہ کے دولہا سے مہکتے ہوئے ملاقات ہو۔بعض لوگ شب کو وضو کرکے خوشبو مل کر سوتے ہیں کہ دیدار یار خواب میں نصیب ہو تو اچھی حالت میں ہو۔