Brailvi Books

مرآۃ المناجیح شرح مشکوٰۃ المصابیح جلد ششم

213 - 975

الفصل الثالث

تیسری فصل

حدیث نمبر 213

روایت ہے حضرت ابن عمر سے فرماتے ہیں کہ میں رسول اللہ  صلی اللہ  علیہ و سلم پرگزرا حالانکہ میرے تہبند میں درازی تھی ۱؎  تو فرمایا اپنا تہبند اونچا کرو میں نے اونچا کرلیا فرمایا اور زیادہ میں نے اور زیادہ کرلیا۲؎ پھر میں اس کا خیال رکھتا رہا ۳؎  تو بعض قوم نے کہا کہ کہاں تک رہے فرمایا کہ آدھی پنڈلیوں تک۴؎(مسلم)

شرح

۱؎  اس طرح کہ ٹخنوں سے نیچے لٹکا ہوا تھا جو کہ مرد کے لیے منع ہے۔

۲؎  حتی کہ آدھی پنڈلی تک اٹھ گیا جیساکہ اگلے مضمون سے ظاہر ہے۔

۳؎  یعنی اس فرمان عالی کے بعد میں نے جب بھی تہبند باندھا آدھی پنڈلی تک باندھا۔

۴؎  یہ حدیث بہت طریقہ سے مروی ہے۔بہتر یہ ہی ہے کہ مرد آدھی پنڈلی تک تہبند رکھے اگرچہ ٹخنوں کے اوپر تک بھی جائز ہے۔