Brailvi Books

نعت / استغاثہ
سچی بات  سکھاتے یہ
     سچی بات سکھاتے یہ ہیں
سیدھی راہ چلاتے یہ ہیں
رب ہیں معطی یہ ہیں قاسم
رزق اس کا ہے کھلاتے یہ ہیں
انا اعطینک الکوثر
ساری کثرت پاتے یہ ہیں
ٹھنڈا ٹھنڈا میٹھا میٹھا
پیتے ہم ہیں پلاتے یہ ہیں
نزع ِ روح میں آسانی دیں
کلمہ یاد دلاتے یہ ہیں
مرقد میں بندوں کو تھپک کر
میٹھی نیند سلاتے یہ ہیں
ماں جہاں اکلوتے کو چھوڑے
آ آ کہہ کر بلاتے یہ ہیں
اپنی بنی ہم آپ بگاڑیں
کون بنائے بناتے یہ ہیں
ان کے ہاتھ میں ہر کنجی ہے
مالک کل کہلاتے یہ ہیں
کہہ دو رضا سے خوش ہو خوش رہ
مژدہ رضا کا سناتے یہ ہیں
                                                (حدائقِ بخشش از اعلیٰ حضرترحمۃ اللہ تعالٰی علیہ)