Brailvi Books

اسی طرح شیطان نماز میں بھی شک پیدا کرتا ہے کہ وضو ٹوٹ گیا اور انسان پیشاب کا قطرہ نکلنے یا ریح خارج ہو نے کاگمان کرتا ہے اور یہ وَسْوَسہ شیطانی ہو تا ہے ۔

چنانچہ اس ضِمْن میں میرے آقائے نعمت،اعلیٰ حضرت، مجدِّدِ دین وملّت، عاشقِ ماہِ نُبُوَّت ،پروانہ شمعِ رسالت ، مولیٰنا شاہ امام احمد رضاخان علیہ رحمۃ الرحمن چند احادیث نقل فرمانے کے بعد ارشاد فرماتے ہیں:''ان حدیثوں کا حاصل یہ ہے کہ شیطان نماز میں دھوکا دینے کے لئے کبھی انسان کی شرمگاہ پر آگے سے تھوک دیتا ہے کہ اُسے قطرہ آنے کا گمان ہوتاہے ۔کبھی پیچھے پھونکتا ہے یا بال کھینچتا ہے کہ ریح خارج ہونے کا خیال گزرتا ہے۔اس پر حکم ہو ا کہ نماز سے نہ پھروجب تک تری یا آواز یا بُو نہ پاؤجب تک وقوعِ حدَث (یعنی