حضرتِ بَرِیْرَہ رضی اللہ تعالی عنہا باندی تھیں۔ اِن کے آقا نے ان کا نکاح حضرت مُغِيث رضی اللہ تعالیٰ عنہ سے کروادیا اور کچھ عرصے کے بعد اِنہیں آزاد کردیا۔ آزاد ہونے کے بعد حضرت بریرہ رضی اللہ تعالی عنہا کو یہ حق حاصِل ہو گیا کہ وہ چاہیں تو اپنے شوہر کے ساتھ رہیں یا علیحدگی اختیار فرمالیں۔ چنانچہ حضرتِ بریرہ رضی اللہ تعالیٰ عنہانے علیحدگی کا ارادہ فرمایا،حضرت مُغِیْث رضی اللہ تعالیٰ عنہ اپنی زوجہ سے بہت محبت فرماتے تھے اور علیحدگی نہ چاہتے تھے۔صحیح بخاری میں ہے کہ نبی کریم صلی اللہ تعالی علیہ والہ وسلم نے (حضرتِ بریرہ رضی اللہ تعالیٰ عنہا سے ) فرمایا، بہترہے کہ تم اس سے رجوع کرلو۔وہ عرض گزار ہو ئیں ،یا رسول اللہ صلی اللہ تعالی علیہ والہ وسلم !کیا آپ مجھے یہ حکم دیتے ہیں ؟فرمایا، میں سفارش کرتا ہوں۔ عرض کی مجھے اس (رجوع)کی حاجت نہیں ۔
