(فتاویٰ رضویہ جديد ،ج۱۸، ص۴۹۱)
میٹھے میٹھے اسلامی بھائیو! دینی و دنیا وی امور میں مشورے کی بڑی اہمیت و ضرورت اور نفع اندوزی و برکت ہے۔ ایک شخص کی رائے اس کچے دھاگے کی مثل ہے جس سے کو ئی وزنی چیز نہیں اٹھا ئی جاسکتی مگر جب مشورے کے ذریعے چند آراء مل گئیں تو اس مضبوط رسی کی طرح ہو گئیں جس سے بھاری چیزیں بھی باندھ کر اٹھائی جاسکتی ہیں۔چنانچہ شخصِ واحد کی رائے کے مقابلے میں مشورے کے ذریعے انتخاب کر دہ رائے درستی و صواب تک پہنچنے میں زیادہ کارگر رہتی ہے اور اگر بالفرض وہ(منتخب رائے ) مقصود و مطلوب تک نہ بھی پہنچائے اور نتیجے میں درستی نہ بھی حاصل ہو تو بھی مشورہ کر نے والا شرمندگی و ندامت اور طعنہ زنی و ملامت سے محفوظ و مامون رہتا ہے کیونکہ معاملہ سب کی رائے سے طے پایا تھا ۔
یہاں ایک اَعرابی کا قول بہت درست واقع ہو تا ہے کہ کو ئی مددگار مشورے سے بڑھ کر قوی نہیں کیونکہ مشورے کے بعد کو ئی کام سرانجام دینے سے ناکامی و نقصان کی صورت میں مشورہ دینے والے ممُِدّو مُعاوِن ہو کر نقصان پورا کر نے میں
