استطاعت دو اعتبارسے ہوتی ہے۔
(۱)خود اعمالِ حج کا بجا لانا اور اس کے لئے صحت کا ہونا،راستے کا پر امن،سبزہ والا ہونا(یعنی کھانے پینے کی چیزیں موجود ہوں) اور سمندری خطرہ نہ ہو، جانے اور وطن واپس لوٹنے تک کے اخراجات کا مالک ہو اور قرض کی ادائیگی کے بعد اس مدت کے دوران ان لوگوں کے اخراجات بھی اس کے پاس ہوں جن کا نفقہ اس کے ذمہ ہے اور سفری اخراجات پربھی قادر ہو۔
(۲) اپاہج آدمی کے لئے استطاعت یہ ہے کہ وہ کسی آدمی کو حج پر بھیجے جو اپنے فرض حج سے فارغ ہو چکا ہو، اگر اپاہج آدمی کا بیٹااپنے باپ کی خدمت کے لئے تیار ہو جائے تو وہ استطاعت والا ہو جائیگا۔
اِستطاعت کے بعد تاخیر ہوجانا اگرچہ جائز ہے۔ لیکن چونکہ اپنی موت کا وقت کسی کو معلوم نہیں لہٰذاجلد حج کر لینا بہتر ہے۔کیونکہ اگر بغیر حج کئے مر گیا تو وہ ترک ِحج کی وجہ سے اللہ عَزَّوَجَلَّ کی بارگاہ میں گناہگار حاضر ہو گا۔