Brailvi Books

 (صحیح مسلم ،کتاب الصیام ،باب فضل صوم المحرم ،الحدیث۲۷۵۶،ص۸۶۶)

    سیِّدُ المبلغین، رَحْمَۃُ لِّلْعٰلَمِیْن صلَّی اللہ تعالیٰ علیہ وآلہ وسلَّم کافرمانِ عظمت نشان ہے''ماہ محرم کا ایک روزہ دوسرے مہینوں کے تیس روزوں سے افضل ہے اور رمضان المبارک کا ایک روزہ محرّم الحرام کے تیس روزوں سے افضل ہے۔''

 (المعجم الصغیرللطبرانی،الحدیث۹۶۰،ج۲،ص۷۱،بتغیرٍ قلیلٍ)

    اور جو شخص عزت والے مہینوں ميں جمعرات ،جمعہ اور ہفتہ کا روزہ رکھے، اللہ عَزَّوَجَلَّ اس کے لئے سات سو سال کی عبادت کا ثواب لکھتا ہے۔'' فضیلت والے مہینے ذوالحجۃ الحرام، محرم الحرام،رجب المرجب اورشعبان ا لمعظم ہیں اورعزت والے ذوالقعدہ، ذوالحجہ، محرم اور رجب ہیں ان میں ایک(رجب کا)مہینہ الگ ہے اور تین مسلسل ہیں۔''

    روزوں کے وہ دن جو مہینے میں تکرار سے آتے ہیں (یعنی ہر مہینے آتے ہیں)وہ مہینے کا پہلا ، درمیانی یعنی ایام بیض اور آخری دن ہیں اور ایام ِبیض تیرہ،چودہ اور پندرہ تاریخ ہے۔ اورہر ہفتے میں آنے والے روزوں کے دن پیر ،جمعرات اور جمعہ کے ہیں۔

    صومُ الدھر(یعنی عمر بھر روزے رکھنا) تمام دنوں کو شامل ہے اور ہمیشہ روزہ رکھنے کے مکروہ ہونے میں اختلاف ہے۔

۱؎:امیرِ اہلسنت، امیرِ دعوتِ اسلامی حضرت مولانا محمد الیاس عطارؔ قادری دامت برکاتہم العالیہ'' فیضانِ سنت،صفحہ۱۴۰۵ ''پر نقل فرماتے ہیں:''حج کرنے والے پر جو عَرَفات میں ہے، اسے عرفہ(یعنی۹ذوالحجۃ الحرام)کے دن روزہ رکھنا مکروہ ہے کہ حضرت سیدنا ابن خزیمہ رحمۃ اللہ تعالیٰ علیہ حضرت سیدنا ابو ہریرہ رضی اللہ تعالیٰ عنہ سے راوی(یعنی راویت فرماتے ہیں) کہ حضور پر نور، شافع یوم النشورصلَّی اللہ تعالیٰ علیہ وآلہ وسلَّم نے عرفہ کے دن(یعنی۹ذوالحجۃ الحرامکے روز حاجی کو) عَرَفات میں روزہ رکھنے سے منع فرمایا۔''     (صحیح ابن خزیمہ،ج۳، ص۲۹۲، الحدیث:۲۱۰۱)