جب مکہ مکرمہ کے وزن کے مطابق دو سو درہموں پر سال گزرجائے اور خالص چاندی ہو تو اس میں پانچ درہم ہوں گے، جبکہ مکہ مکرمہ کے وزن کے مطابق بیس دینار کا خالص سونا ہو تو اس پر چالیسواں حصہ ہے اور جو زیادہ ہو اس میں اسی حساب سے زکوٰۃ ہوگی اگرچہ ایک دانق ہو(یعنی درہم کے چھٹے حصّہ کا سکہ)سونے کی ڈلی اور ممنوعہ زیور (جیسے سونے چاندی کے برتن وغیرہ) میں زکوٰۃ واجب ہے۔سونے چاندی کے علاوہ معدنیات میں زکوٰۃ واجب نہیں۔ سونے چاندی کو نکالنے، حاصل کرنے، بھٹی سے گزارنے اور خالص کر لینے کے بعد چالیسواں حصہ لیا جائے گا۔ دو ا قوال میں سے زیادہ صحیح قول یہی ہے سال گزرنے کے بارے میں دوقول ہیں۔ ایک قول کے مطابق پانچواں حصّہ لازم ہوگا۔ اس صورت میں سال گزرنے کا اعتبار نہ ہوگا ۔اور کیا نصاب کا اعتبار کیا جائے گا؟ اس کے متعلق دو قول ہیں(یعنی بعض کے نزدیک سال گزرنے کااعتبار کیا جائے گا جبکہ بعض کے نزدیک اس کا کوئی اعتبار نہیں)۔
