پہلی ساعت سے مراد طلوعِ آفتاب تک کا وقت ہے دوسری ساعت اس کے بلند ہونے تک ہے اور تیسری ساعت وہ وقت ہے جب سورج کی روشنی پھیل جائے چوتھی اور پانچویں ساعت چاشت سے زوال تک ہے۔
نمازی کو چاہے کہ لوگوں کی گردنیں نہ پھلانگے اور نہ ان کے سامنے سے گزرے اور ایسی جگہ بیٹھے کہ کوئی اس کے سامنے سے نہ گزرے اور پہلی صف کی کوشش کرے۔ جب نماز سے فارغ ہو جائے تو بکثرت اللہ عَزَّوَجَلَّ کا ذکر کرے اور اس (خاص) گھڑی کا اچھی طرح خیال ر کھے جو روز جمعہ میں ہے۔
اور نبئ اَکرم صلَّی اللہ تعالیٰ علیہ وآلہ وسلَّم پرکثرت سے درود بھیجے، آپ صلَّی اللہ تعالیٰ علیہ وآلہ وسلَّم نے ارشاد فرمایا:''میرے اوپر چمکتی رات اور روشن دن(یعنی شبِ جمعہ اورجمعہ کے دن) میں بکثرت درود بھیجو۔''