Brailvi Books
 |
لباب الاحیاء (احیاء العلوم کا خلاصہ) |
66 - 415
اور اسی طرح دوسرا سجدہ کرے پھر سیدھا ہو کر تھوڑی دیر استراحت کے لئے بیٹھے۔۱؎ ؎ پھر زمین پر ہاتھ رکھ کر کھڑا ہو جائے۔۲؎ اور کسی پاؤں کو آگے نہ بڑھائے اور قیام میں پہنچ کر تکبیر کو ختم کرے۔
تشہد:پھر دوسری رکعت کے بعد تشہد پڑھے۔ پہلے تشہد میں بائیں پاؤں پر بیٹھے اور نبی کریم صلَّی اللہ تعالیٰ علیہ وآلہ وسلَّم پردرود شریف پڑھے۔۳؎ اور دائیں ہاتھ کی انگلیاں سوائے انگشت شہادت کے بندہوں پھر جب اِلاَّ اللہ کہے تواس وقت انگشتِ شہادت سے اشارہ کرے (یعنی لَااِلٰہَ پر انگلی کو کھڑا کرے اور اِلاَّاللہُ پر چھوڑ دے) اور آخری تشہد میں وہ دعا پڑھے جو روایات سے ثابت ہیں اور بائیں سرین پربیٹھے جب فارغ ہو تو''اَلسَّلَامُ عَلَیْکُمْ وَرَحْمَۃُ اللہِ''
کہے اور یہ کہتے وقت دائیں طرف اس طرح چہرہ پھیرے کہ رخسار نظر آئیں اسی طرح بائیں طرف کرے اور سلام کے ساتھ نماز سے نکلنے کا ارادہ کرے اور سلام کرتے وقت اپنے دائیں بائیں کے فرشتوں اور مسلمانوں کی نیت کرے اور سلام کو کھینچ کر نہ کہے۔
۱؎:احناف کے نزدیک دوسجدوں کے بعد استراحت نہیں۔جیساکہ علامہ ابو الحسن علی بن ابی بکر مرغینانی علیہ رحمۃ اللہ الغنی فرماتے ہیں:'' دو سجدوں کے بعداستراحت نہ کرے(یعنی نہ بیٹھے) اور نہ ہی زمین پر ہاتھ رکھ کر اٹھے بلکہ سیدھا کھڑا ہوجائے ۔''