Brailvi Books

    جو پانی کے استعمال پر قادر نہ ہو مثلًا پانی تلاش کے باوجود نہ ملتا ہو یا اس تک پہنچنے میں تکلیف یا کوئی اور رکاوٹ موجود ہو یا پانی تو موجود ہے لیکن اپنی یا اپنے ساتھی کی پیاس کی وجہ سے پانی کی ضرورت ہے یا وہ کسی دوسرے کی ملکیت میں ہو اور وہ عام قیمت سے زیادہ پر بیچتا ہے یا اسے کوئی زخم یا بیماری ہے کہ پانی استعمال کرنے سے عضو کے خراب ہونے یا بہت زیادہ کمزوری کا ڈر ہو تو وہ صبر کرے حتیٰ کہ فرض نماز کا وقت داخل ہو جائے پھر وہ پاک زمین کا قصد کرے جس پر پاک خالص اور نرم مٹی ہو اور اپنی انگلیوں کو ملا کر اس پر دونوں ہاتھ مارے اور نماز کے جائز ہونے کی نیت کرے اور ایک مرتبہ پورے چہرے کا مسح کرے بالوں کی جڑوں تک مٹی پہنچانے کی تکلیف نہ اٹھائے اور غبار سے اچھی طرح چہرے کے ظاہری حصہ کا مسح کرے اور یہ بات ایک مرتبہ ہاتھ مارنے سے حاصل ہو جائیگی کیونکہ چہرے کی چوڑائی ہتھیلیوں کی چوڑائی سے زیادہ نہیں پھر اپنی انگوٹھی اتاردے اور اب دوسری مرتبہ انگلیوں کو کشادہ کرکے مٹی پر ہاتھ مارے پھر دائیں ہاتھ کی انگلیوں کے ظاہر کو بائیں ہاتھ کی انگلیوں کے باطن (اندر والے حصے) سے یوں ملائے کہ ایک طرف سے پوروں کے کنارے دوسرے ہاتھ کی شہادت کی انگلی سے باہر نہ ہوں پھر جس طرح بائیں ہاتھ کو دائیں بازو کے ظاہر پر رکھا تھا اسی طرح کہنی تک پھیرے پھر بائیں ہتھیلی کو الٹ کر دائیں بازو کے باطن پر پھیرے

۱؎:احناف کے نزدیک غسل فرض ہونے کے پانچ اسباب ہیں :''امیر اہلسنت بانئ دعوت اسلامی حضرت علامہ مولانا محمد الیاس عطاؔرقادری مدظلہ العالی نماز کے احکام میں نقل فرماتے ہیں(۱)منی کا اپنی جگہ سے شہوت کے ساتھ جدا ہوکر عضوسے نکلنا(۲)احتلام یعنی سوتے میں منی کا نکل جانا(۳)شرمگاہ میں حشفہ (سپاری)داخل ہوجاناخواہ شہوت ہویانہ ہو،انزال ہویانہ ہو،دونوں پرغسل فرض ہے (۴)حیض سے فارغ ہونا(۵)نفاس (یعنی بچہ جننے پر جوخون آتاہے اس) سے فارغ ہونا۔''

   (نماز کے احکام ،غسل کا طریقہ،ص۱۰۷)