Brailvi Books

    جاننا چاہے! بندہ کبھی اپنے نفس کی حالت کو دیکھتا اور اس میں غوروفکر کرتا ہے جیسا کہ پہلے بیان ہو چکا ہے اورکبھی اللہ عَزَّوَجَلَّ کی ذات ، صفات اورافعال میں غوروفکرکرتا ہے۔ جہاں تک اللہ عَزَّوَجَلَّ کی ذات میں غوروفکرکرنے کا تعلق ہے تو اللہ عَزَّوَجَلَّ تک رسائی صرف اس کے ذکر سے ہی ممکن ہے اورانسان جس قدر اس کی صفات ، افعال ،ملک وملکوت میں غوروفکر کرتا ہے تواس پر جمالِ خداوندی عَزَّوَجَل کے ظاہرہونے سے اس کی محبت میں اضافہ ہوتا ہے اوریہ چیز اسمائے الٰہیہ کے معانی،اس کی صفات میں تدبرکرنے،زمین وآسماں اورستارو ں میں غورفکرکرنے اوراللہ عَزَّوَجَلَّ کی ذات کے سوا ہرچیزمیں غورو فکرکرنے سے حاصل ہوتی ہے کیونکہ ہرچیزاللہ عَزَّوَجَلَّ کی تخلیق وصنعت ہے اوراللہ عَزَّوَجَلَّ کافرمانِ عظمت نشان ہے:

 (1) سَنُرِیۡہِمْ اٰیٰتِنَا فِی الْاٰفَاقِ

ترجمۂ کنزالایمان:ابھی ہم اُنہیں دکھائیں گے اپنی آیتیں(یعنی نشانیاں) دُنیابھرمیں۔(پ25،حم السجدۃ: 53)

(2)وَ فِیۡۤ اَنۡفُسِکُمْ ؕ اَفَلَا تُبْصِرُوۡنَ ﴿21﴾

ترجمۂ کنزالایمان: اور خودتم میں،توکیاتمہیں سوجھتا نہیں۔(پ26، الذٰریٰت: 1 2)

    پس غور وفکرکی گزرگاہ (یعنی اس کا مقام) تمہارا اپنا نفس اوراس کے بعداللہ عَزَّوَجَلَّ کی تمام مخلوق ہے۔ اس بات کو سمجھ لو فائدہ ہوگا۔وَاللہُ اَعْلَمُ بِالصَّوَابِ۔