Brailvi Books

ترجمہ:ملاقات میں دیر کیا کرو، محبت میں اضافہ ہو گا۔''

    پھرحضرت سَیِّدُنا ابن عمیررضی اللہ تعالیٰ عنہ نے عرض کی:'' آپ ہمیں رسول اللہ عَزَّوَجَلَّ و صلَّی اللہ تعالیٰ علیہ وآلہ وسلَّم کی کوئی انوکھی بات بتائیے ،جو آپ نے دیکھی ہو؟''یہ سن کرآپ رضی اللہ تعالیٰ عنہا رونے لگیں اورفرمایا: رسول اللہ عَزَّوَجَلَّ و صلَّی اللہ تعالیٰ علیہ وآلہ وسلَّم کا ہر معاملہ عجیب تھا، ایک رات آپ صلَّی اللہ تعالیٰ علیہ وآلہ وسلَّم میرے ساتھ آرام فرما رہے تھے ،یہاں تک کہ آپ کے جسم کیساتھ میرا جسم مَس ہوا، توآپ صلَّی اللہ تعالیٰ علیہ وآلہ وسلَّم َّنےفرمایا:'' مجھے اپنے رب عَزَّوَجَلَّ کی عبادت کرنے دو۔'' پھر آپ صلَّی اللہ تعالیٰ علیہ وآلہ وسلَّم مشکیزے کی طر ف تشریف لے گئے، اس سے وضو فرمایا ،پھر کھڑے ہوکر نماز پڑھنے لگے اور اس قدر روئے کہ آپ صلَّی اللہ تعالیٰ علیہ وآلہ وسلَّم کی داڑھی مبارک تر ہوگئی، پھر سجدہ کیا یہاں تک کہ زمین تر ہوگئی، اس کے بعد پہلو پر آرام فرماہو گئے حتی کہ حضرت سَیِّدُنا بلا ل رضی اللہ تعالیٰ عنہ نے حاضرہوکر نمازِفجرکی اطلاع دی اور عرض کی:'' یا رسول اللہ عَزَّوَجَلّ و صلَّی اللہ تعالیٰ علیہ وآلہ وسلَّم!آپ کیوں رو رہے ہیں؟ حالانکہ اللہ عَزَّوَجَلَّ نے آپ صلَّی اللہ تعالیٰ علیہ وآلہ وسلَّم کے سبب آپ کے اَگلوں پچھلو ں کے گناہ معاف فرما دئیے ہیں۔''توآپ صلَّی اللہ تعالیٰ علیہ وآلہ وسلَّم نے ارشاد فرمایا:اے بلال! تجھ پرافسوس ! میں کیوں نہ روؤں، آج رات مجھ پر یہ آیتِ کریمہ نازل ہوئی ہے:

اِنَّ فِیۡ خَلْقِ السَّمٰوٰتِ وَالۡاَرْضِ وَاخْتِلَافِ الَّیۡلِ وَالنَّہَارِ لَاٰیٰتٍ لِّاُولِی الۡاَلْبَابِ ﴿۱۹۰﴾ۚۙ

ترجمۂ کنزالایمان: بے شک آسمانوں او رزمین کی پیدائش اور رات اور دن کی باہم بدلیوں میں نشانیاں ہیں عقلمندوں کے لئے۔(پ۴،آل عمران:۱۹۰)''پھرفرمایا: ''اس شخص کے لئے خرابی ہے جو اس آیتِ کریمہ کو پڑھے لیکن اس میں غور وفکر نہ کرے ۔''

 (الاحسان بترتیب صحیح ابن حبان، کتاب الرقائق، باب التوبۃ، الحدیث۶۱۹،ج۲،ص۹، بتغیرٍ)

    حضرت سَیِّدُناامام اوزاعی رحمۃ اللہ تعالی علیہ سے پوچھا گیا: ''ان آیا ت میں انتہائی غوروفکر کیا ہے ؟''انہوں نے فرمایا: ''ان کوپڑھا اورسمجھا جائے ۔''