Brailvi Books

إنَّ اللہَ یُعْطِی الدُّنْیَا لِمَنْ یُّحِبُّ وَلِمَنْ لَّا یُحِبُّ، وَلَا یُعْطِی الْاِیْمَانَ إلَّا لِمَنْ یُّحِبُّ۔

ترجمہ: بے شک اللہ عَزَّوَجَلَّ دُنیا اسے بھی دیتا ہے جس سے محبت کرتاہے اور اسے بھی جس سے محبت نہیں کرتا لیکن ایمان صرف اُسے عطا فرماتا ہے جس سے محبت کرتا ہے۔

(مصنف ابن ابی شیبۃ، کتاب الزھد، باب کلام ابن مسعود، الحدیث۳۰،ج۸،ص۱۶۱)

    شہنشاہِ خوش خِصال، پیکرِ حُسن وجمال، دافِعِ رنج و مَلال،بی بی آمنہ کے لال صلَّی اللہ تعالیٰ علیہ وآلہ وسلَّم ورضی اللہ تعالیٰ عنہا کا فرمانِ رفعت نشان ہے:''جو اللہ عَزَّوَجَلَّ کے لئے تو اضع اختیار کر تا ہے اللہ عَزَّوَجَلَّ اسے بلندی عطا فرماتاہے اور جو تکبر کرتاہے اللہ عَزَّوَجَلَّ اسے پست کردیتاہے اور جو اللہ عَزَّوَجَلَّ کوکثرت سے یا د کرتا ہے تو وہ اس سے محبت فرماتا ہے۔

(المعجم الأوسط، الحدیث۴۸۹۴،ج۳،ص۳۸۲) 

(موسوعۃ لابن ابی الدنیا، کتاب التواضع والخمول، الحدیث۷۷،ج۳،ص۵۵۲)

    حدیثِ قدسی میں ہے،اللہ عَزَّوَجَلَّ نے ارشاد فرمایا:

فَإذَا أَحْبَبْتُہ، کُنْتُ سَمْعَہ، الَّذِیْ یَسْمَعُ بِہٖ۔

ترجمہ:جب میں اپنے بندے سے محبت کرتا ہوں تو اس کے کان بن جاتا ہوں جس سے وہ سنتا ہے۔

(صحیح البخاری، کتاب الرقاق، باب التواضع، الحدیث۶۵۰۲،ص۵۴۵)

   حضرت سَیِّدُنا زید بن اسلم رضی اللہ تعالیٰ عنہ فرماتے ہیں کہ اللہ عَزَّوَجَلَّ بندے سے محبت کرتا ہے حتی کہ وہ محبتِ الٰہی میں اس مقام تک جا پہنچتا ہے کہ اللہ عَزَّوَجَلَّ ارشادفرماتا ہے:'' تم جو چاہو کرو میں نے تمہیں بخش دیا۔''