Brailvi Books
 |
لباب الاحیاء (احیاء العلوم کا خلاصہ) |
36 - 415
حقیقت میں استاذ ہی باپ ہوتا ہے کیونکہ باپ فانی زندگی کااور استاذ ابدی زندگی کا سبب بنتا ہے چنانچہ اس کا حق ماں باپ کے حق پر مقدم ہے۔
جب تک رضائے الہٰی عَزَّوَجَلَّ پیش نظرنہ ہوتودنیا وی مقاصد کے لئے علم سکھانا ہلاک ہونا اور ہلاک کرنا ہے پس ایک استاد کے طلباء کو چاہے کہ وہ ایک دوسرے سے محبت کریں کیونکہ علماء او ر آخرت کے طالب اللہ عَزَّوَجَلَّ کی راہ کے مسافر ہیں اور دنیا سے گزر کر اسی کی طرف جانے والے ہیں زندگی کے ماہ وسال راستے کی منزلیں ہیں اور جو مسافر ایک شہر سے دوسرے شہر کی طرف سفرکرتے ہیں ان کے درمیان باہمی رفاقت ایک دوسرے سے محبت اور دوستی کا سبب بنتی ہے تو جو سفر اللہ عَزَّوَجَلَّ اور فردوس اعلیٰ (یعنی جنت)کی طرف ہو اور اس میں تنگی بھی نہ ہو تو محبت کیسے نہ ہوگی پس انہیں چاہئے کہ وہ مقابلہ بازی اور جنگ و جدل سے دُور رہیں۔چنانچہ ، اللہ عَزَّوَجَلَّ ارشاد فرماتا ہے:اِنَّمَا الْمُؤْمِنُوۡنَ اِخْوَۃٌ
ترجمۂ کنزالایمان: مسلمان مسلمان بھائی ہیں ۔( پ26، الحُجُرٰت:10)
دو سرا اَدب:استاذ کو چاہے کہ وہ حضورنبئ کریم ،رء ُوف رحیم صلَّی اللہ تعالیٰ علیہ وآلہ وسلَّم کی اقتدا کرے اور علم سکھانے پر اجرت طلب نہ کرے۔چنانچہ،اللہ عَزَّوَجَلَّ کا فرمان عالیشان ہے:لَا نُرِیۡدُ مِنۡکُمْ جَزَآءً وَّ لَا شُکُوۡرًا ﴿9﴾