Brailvi Books

    جاننا چاہے! مدرکات کی دو اقسام ہیں: ایک وہ جو خیال میں آتے ہیں جس طر ح صورتیں اور دو سرے وہ جو خیال میں نہیں آتے جس طر ح اللہ عَزَّوَجَلَّ کی ذات اور وہ اشیاء جن کا نہ تو جسم ہوتا ہے نہ ہی صورت جیسے علم ، قدرت اور اِرادہ وغیرہ ۔جو شخص کسی انسان کو دیکھے، پھر آنکھیں بند کرلے، تو وہ اس کی صورت کو اپنے خیال میں پاتا ہے گویا وہ اس کی طر ف دیکھ رہا ہے لیکن جب آنکھ کھول کر اسے دیکھتا ہے تو اسے دو نوں کے درمیان فر ق محسوس ہوتاہے اور یہ فر ق دو نوں صورتوں میں اختلاف کی شکل میں نہیں ہوتا، بلکہ کشف اور زیادہ واضح ہونے کے اعتبار سے ہوتا ہے اور یہ اس شخص کی طر ح ہے، جسے دن کا اُجالا پھیلنے سے پہلے صبح کی سفیدی میں دیکھا جائے اور پھر مکمل روشنی کے وقت دکھائی دے تو دونوں حالتوں میں فر ق صرف یہ ہوتا ہے کہ وہ شخص زیادہ ظاہر وواضح ہوتا ہے پس جب تو نے یہ جان لیا تویہ بھی جان لے ! اللہ عَزَّوَجَلَّ کا جاری کردہ طریقہ ہے کہ جب تک نفس اپنی بری صفات کے پر دے میں ہوتا ہے وہ ان معانی کے مشاہد ہ تک رسائی حاصل نہیں کرسکتا جو عالَم محسوسات اورخیال سے خارج ہوتے ہیں بلکہ نفس کے لئے وہ صفات اس طرح ہوتی ہیں جس طر ح آنکھ کے لئے پلکوں کا بند ہونا۔ جس قدر وہ بُری صفات ختم ہوتی جاتی ہیں اسی قدر نفس کے کشف ،وضاحت ، لذَّت او رمحبت میں اضافہ ہوتا جاتاہے۔