Brailvi Books
 |
لباب الاحیاء (احیاء العلوم کا خلاصہ) |
345 - 415
قادر سے پوچھ کیونکہ ذمہ داری صفت عطا کرنے والے پرہوتی ہے صفت پر نہیں۔ اس وقت قریب تھا کہ سالک لغزش کھاجاتا اورزبان سوال کی جرأ ت کر جاتی لیکن اسے قولِ ثابت کے ساتھ استقلال نصیب ہوا اوراسے بارگاہِ خداوندی عَزَّوَجَلّ کے پردوں کے پیچھے سے ندا دی گئی:
'' لَایُسْـَٔلُ عَمَّا یَفْعَلُ وَہُمْ یُسْـَٔلُوۡنَ ﴿۲۳﴾
تر جمۂ کنزالایمان:اس سے نہیں پوچھا جاتا جو وہ کرے اوران سب سے سوال ہوگا۔ (پ۱۷، الانبیآء: ۲۳)''یہ سن کر اس پر اللہ عَزَّوَجَلَّ کی ہیبت طاری ہوگئی، وہ بے ہوش ہوکر گرپڑااورایک مدت تک اپنی بے ہوشی میں تڑپتا رہا، جب افاقہ ہوا تو عرض کرنے لگا:اے اللہ عَزَّوَجَلَّ !تو پاک ہے ،تیری شان کس قدر عظیم ہے، میں نے تیری بارگاہ میں توبہ کی ، تجھ پر بھروسہ کیا اوراس بات پر ایمان لایا کہ تو ہی بادشاہ، واحد ، جبار وقہار ہے ، میں تیرے علاوہ کسی سے نہیں ڈرتا،اورنہ ہی تیرے سوا کسی سے امیدر رکھتاہوں،تیرے عذاب سے تیرے ہی عفوودرگزرمیں پناہ چاہتاہوں،تیری ناراضگی سے تیری رضا میں پناہ لیتاہوں ۔
اب ہم اپنے مقصد کی طرف پلٹتے ہوئے توکُّل کا معنی بیان کرتے ہیں، پس ہم کہتے ہیں: توکل سے مراد یہ جانتے ہوئے اللہ عَزَّوَجَلَّ پردل کا اعتماد کرنا ہے کہ اس کے علم وقدرت سے کوئی چیز بھی خارج نہیں اوراس کا غیر نفع ونقصان پر قادر نہیں۔تَوکُّلْ کے متعلق اسلاف کے اقوال :