Brailvi Books

ترجمۂ کنزالایمان: اور تو دیکھے گا پہاڑوں کو خیال کریگا کہ وہ جمے ہوئے ہیں اور وہ چلتے ہوں گے بادل کی چال۔ (پ20، النمل:88)

    پانچواں اَدب:طالب علم پسندیدہ علم کے فنون میں سے کوئی فن نہ چھوڑے بلکہ اس میں اس قدر غور کرے کہ وہ مقصود سے آگاہ ہو جائے پھر اگر زندگی وفا کرے تو اس میں مہارت حاصل کرے ورنہ اس سے زیادہ اہم میں مشغول ہو جائے اور اہم علم کو اختیار کرنا تمام علوم پر مطّلع ہونے کے بعد ہی ممکن ہے۔

     چھٹا اَدب:طالب علم کو چاہے کہ وہ اہم علم کی طرف مشغول ہو اور وہ علم آخرت ہے یعنی علم معاملہ اور علم مکاشفہ۔علم معاملہ کی انتہاء علم مکا شفہ ہے جبکہ علم مکاشفہ اللہ عَزَّوَجَلَّ کی معرفت ہے اور یہ وہ نور ہے جسے اللہ عَزَّوَجَلَّ اس بندے کے دل میں ڈالتا ہے جس نے عبادت و مجاہدہ کے ذریعے اپنے باطن کو آلائشوں سے پاک کرلیا ہواوراس نورکی انتہا امیرالمؤمنین حضرت سیِّدُنا ابوبکر صدیق رضی اللہ تعالیٰ عنہ کے رتبۂ ایمان پرہوتی ہے اوران کے ایمان کے بارے میں خودحضورنبئ کریم،رء ُوف رحیم صلَّی اللہ تعالیٰ علیہ وآلہ وسلَّم نے ارشاد فرمایا: