ترجمۂ کنزالایمان:جو آخرت کی کھیتی چاہے ہم اس کے لئے اس کی کھیتی بڑھائیں اورجو دنیا کی کھیتی چاہے ہم اسے اس میں سے کچھ دیں گے اورآخرت میں اُس کا کچھ حصہ نہیں۔(پ25،الشورٰی:20)
شہنشاہِ مدینہ،قرارِ قلب و سینہ، صاحبِ معطر پسینہ، باعثِ نُزولِ سکینہ، فیض گنجینہ صلَّی اللہ تعالیٰ علیہ وآلہ وسلَّم کافرمانِ نصیحت نشان ہے: ''جو شخص اس حال میں صبح کر ے کہ اُسے دنیا ہی کی فکر ہو اللہ عَزَّوَجَلَّ اس کے کام منتشر کر دیتاہے اوراس کا سامان متفرق کر دیتاہے ،اس کی تنگدستی اس کے سامنے کردیتاہے اوردُنیا تو اسی قدر آئے گی، جو اس کی تقدیر میں لکھی ہے اورجو اس حال میں صبح کرے کہ اس کو آخرت کی فکر ہو اللہ عَزَّوَجَلَّ اس کے کام درست فرمادیتاہے، اس کے سامان کی حفاظت فرماتا اوراس کے دل میں دنیا سے بے رغبتی ڈال دیتاہے نیز اس کے پاس دنیا ذلیل ہوکر آتی ہے۔''