Brailvi Books
 |
لباب الاحیاء (احیاء العلوم کا خلاصہ) |
329 - 415
کہ اس کی مقدار معلوم ہو لیکن ا نہوں نے کس طرح اس میں مجہول چیز(یعنی مُٹھی بھر درہم) کو مِلادیا، حالانکہ یہ تو دانا آدمی ہیں؟ لیکن مجھے یہ سوال کرتے ہوئے حیاء محسوس ہوئی اور میں وہ تھیلی لے کر حضرت سَیِّدُنا نوری رحمۃ اللہ تعالیٰ علیہ کے پاس گیا ،تو انہوں نے بھی ترازو منگوایا اور ایک سودرہم تو لے اور فرمایا: ''یہ ان کے پاس واپس لے جاؤاور کہنا :میں تم سے کچھ بھی قبول نہیں کرتا اور جو سو سے زائد تھے و ہ رکھ لئے۔''راوی کہتے ہیں: ''مجھے ان کے اس عمل سے مزید تعجب ہوا، چنانچہ میں نے ان سے پوچھا تو انہوں نے فرمایا: ''حضرت سَیِّدُنا جنیدرحمۃ اللہ تعالیٰ علیہ عقلمند آدمی ہیں،وہ رسی کے دونوں سرے خودہی پکڑنا چاہتے ہیں، انہوں نے ایک سواپنے فائدے کے تو لے، تا کہ آخرت کا ثواب ہو اور ایک مٹھی بلا وزن اللہ عَزَّوَجَلَّ کے لئے ڈال دئیے توجو کچھ اللہ عَزَّوَجَلَّ کے لئے تھا میں نے وہ لے لیا اور جو کچھ انہوں نے اپنے لئے رکھا تھا ،میں نے واپس کردیا۔''راوی فرماتے ہیں:میں نے وہ دراہم حضرت سَیِّدُنا جنیدرحمۃ اللہ تعالیٰ علیہ کو واپس کر دئیے، توآپ رحمۃ اللہ تعالیٰ علیہ رونے لگے پھر فرمایا:''انہوں نے اپنا مال لے لیا اور ہمارا مال واپس کردیااور اللہ عَزَّوَجَلَّ ہی سے مدد مانگی جاتی ہے۔''
اے اسلامی بھائی!دیکھ!ہمارے اسلاف کے دل اور احوال کتنے صاف تھے اور ان کے اعمال کس طرح اللہ عَزَّوَجَلَّ کے لئے خالِص تھے یہاں تک کہ ان میں سے ہر ایک دوسرے کے دل کو دیکھ لیتا تھا اور زبان سے کچھ کہنے کی ضرورت نہیں پڑتی تھی۔زُہْد کا بیان زہدکیا ہے؟
زُہد کی حقیقت یہ ہے کہ رغبت کو ایک چیز سے پھیر کر کسی دوسری چیز کی طر ف متوجہ کیا جائے، پس جو شخص فضول دنیا کو چھوڑ دے اوراس کی بجائے آخرت کی طرف راغب ہو،تو وہ شخص دنیا میں زاہد ہے اورزہد کا بلند درجہ یہ ہے کہ انسان اللہ عَزَّوَجَلَّ کے علاوہ ہر چیز حتیّٰ کہ آخرت سے بھی اعراض کرے اورزاہد کے لئے اس بات کا علم ہونا ضروری ہے ،کہ آخرت دنیا سے بہتر ہے اور اس عمل کا ہونا ضروری ہے، جو اس سے اس حال میں صادر ہو اوریہی آخرت میں مکمل رغبت ہے اورعمل دِل اوراعضاء کی حفاظت کے ساتھ ان معاملات میں قیمت کو سپرد کرنے کا نام ہے، جو اس بیع کے منافی ہوں اور زہد کی فضیلت پر کئی آیات اوراحادیث دلالت کرتی ہیں۔چنانچہ، اللہ عَزَّوَجَلَّ کا فرمانِ عالیشان ہے :
(1) اِنَّا جَعَلْنَا مَا عَلَی الْاَرْضِ زِیۡنَۃً لَّہَا لِنَبْلُوَہُمْ اَیُّہُمْ اَحْسَنُ عَمَلًا ﴿7﴾