Brailvi Books

    مشہور حدیث ِپاک ہے ، آپ صلَّی اللہ تعالیٰ علیہ وآلہ وسلَّم نے ارشاد فرمایا:

تَدْخُلُ فُقَرَاءُ اُمَّتِیِ ا لْجَنَّۃَ قَبْلَ أغْنِیَائِہِمْ بِخَمْسِ مِائَۃِ عَامٍ۔

ترجمہ: میری اُمّت کے فقراء مالدار لوگو ں سے پانچ سو سال پہلے جنت میں داخل ہوجائیں گے ۔

(جامع الترمذی، ابواب الزھد، باب ماجاء ان فقراء المھاجرین یدخلون ۔۔۔۔۔۔الخ، الحدیث۲۳۵۱،ص۱۸۸۸،بتغیرٍ قلیلٍ)

    مروی ہے کہ حضرت سَیِّدُنا عیسیٰ علیٰ نبیناوعلیہ الصلوٰۃو السلام ایک آدمی کے پاس سے گزرے جو مٹی پر سویا ہو اتھا اور اس کے سر کے نیچے اینٹ تھی ،اس کا چہرہ او ر داڑھی گرد آلود ہو چکی تھی اور اس نے ایک تہبند باندھ رکھا تھا توآپ علیہ السلام نے اللہ عَزَّوَجَلَّ کی بارگاہ میں عرض کی: ''اے میرے رب عَزَّوَجَلَّ ! تیرا یہ بندہ دنیامیں ضائع ہوگیا۔''اللہ عَزَّوَجَلَّ نے آپ علیہ السلام کی طر ف وحی فرمائی: ''اے عیسیٰ(علیہ السلام )! کیا تم نہیں جانتے کہ جب میں اپنے بندے پر مکمل طور پر نظرِ رحمت فرماتا ہوں تو اس سے تمام دنیا سمیٹ لیتاہوں۔ ''

     اللہ کے مَحبوب، دانائے غُیوب، مُنَزَّہ ٌعَنِ الْعُیوب عَزَّوَجَل و صلَّی اللہ تعالیٰ علیہ وآلہ وسلَّم کافرمانِ محبت نشان ہے:''بے شک مجھے دو چیزیں پسند ہیں، جس نے ان سے محبت کی ،اس نے مجھ سے محبت کی اور جس نے ان سے بغض رکھا ،اس نے مجھ سے بغض رکھا، ایک فقر اور دو سرا جہاد ۔''