جان لیجئے! جب تمہیں قبولیت کا معنی معلوم ہوگیا تو تمہیں کسی بھی صحیح طور پر کی گئی تو بہ کے قبول ہونے میں شک نہیں ہونا چاہے۔ نورِ بصیرت سے دیکھنے والے اور انوارِ قرآن سے فیض یاب ہونے والے لوگ جانتے ہیں کہ اللہ عَزَّوَجَلَّ کی بارگاہ میں مقبول ہر قلبِ سلیم کو بروزِ قیامت قربِ خدا وندی کا اعزاز حاصل ہوگا اور وہ اپنی باقی رہنے والی آنکھوں سے اللہ عَزَّوَجَلَّ کا دیدار کر سکے گا۔ اور انہیں معلوم ہے کہ دل اپنی اصل کے اعتبار سے سلامتی والاپیدا کیا گیا اور اس کی سلامتی گناہوں کا گر دو غبار چھا جانے سے زائل ہوتی ہے۔ انہیں یہ بھی معلوم ہے کہ ندا مت کی آگ اس غبار کو جلا کر راکھ کردیتی ہے اور نیکی کا نور دل کے چہرے سے گناہ کی تا ر یکی کو مٹا دیتا ہے اور نیکیوں کے انوار کے سامنے گناہوں کے اندھیرے نہیں ٹھہرتے جیسے دن کی رو شنی کے سامنے رات کے اندھیرو ں کا بس نہیں چلتا اور جس طر ح صابن کی سفیدی سے میل کی کدورت باقی نہیں رہتی، اسی طر ح تو بہ واستغفار اور ندامت کے نور سے گناہ باقی نہیں رہتے سوائے اس کے کہ گناہوں کی کثرت اور ہمیشگی کی وجہ سے دل خراب ہوگیا ہو۔ ہم اللہ عَزَّوَجَلَّ کی پناہ چاہتے ہیں جس طر ح اللہ عَزَّوَجَلَّ نے کفار کے بارے میں فرمایا:
