Brailvi Books

(صحیح البخاری، کتاب الدعوات، باب التو بۃ، الحدیث۶۳۰۸، ص۵۳۱،بتغیرٍ)

    توبہ کے وجوب پر ائمہ کرام کا اجماع ہے اگرتو کہے: توبہ کیسے واجب ہے؟جبکہ یہ تو دِل میں پیدا ہونے والی ندامت کا نتیجہ ہے اور یہ بندے کے اختیارمیں نہیں؟توہم اس کا جواب یہ دیں گے کہ اس کاسبب اختیارمیں ہے اوروہ عمل کی کوشش کرنا ہے، اسی لئے ہم کہتے ہیں کہ علم حاصل کرناضروری ہے کیونکہ یہ اس واجب توبہ میں داخل ہے نہ اس وجہ سے کہ آدمی علم کو خود پیدا کرتا ہے بلکہ علم،ندامت،فعل،ارادہ اورقدرت سب اس قادرِ مطلق ذات کی طرف سے ہے پس اللہ عَزَّوَجَلَّ نے تمہیں اور تمہارے اعمال کوپیدافرمایا۔اربابِ بصیرت کے نزدیک یہی بات حق ہے اوراس کے علاوہ گمراہی ہے۔

    اگرتم کہو:کیا بندے کوکام کرنے یاچھوڑنے کااختیارنہیں؟توہم جواب دیں گے: ہاں،ہے اوریہ ہمارے قول کے خلاف نہیں کہ'' ہرچیزاللہ عَزَّوَجَلَّ کی طرف سے ہے ۔''کیونکہ اختیاربھی تو اللہ عَزَّوَجَلَّ کاپیداکردہ ہے اوربندہ اس اختیارمیں بھی مجبورہے۔ اللہ عَزَّوَجَلَّ نے جب صحیح ہاتھ اورلذیذکھانابھی پیداکیا،معدے میں کھانے کا شوق اوردل میں یہ علم بھی پیدا کیا کہ یہ کھاناخواہش کی تسکین کا ذریعہ ہے اوریہ ترددبھی پیدا کیاکہ خواہش کے پورا کرنے کے ساتھ کیایہ نقصان دہ تونہیں؟اورکیا اس کے کھانا کھانے میں کوئی رکاوٹ ہے یا نہیں؟پھرعلم بھی پیداکیاکہ کوئی رکاوٹ نہیں۔ لہٰذاان اسباب کے جمع ہونے پرکھانے کا ارادہ پختہ ہوجاتاہے اوریہ سب امور اللہ عَزَّوَجَلَّ کے بنائے گئے طریقے سے ترتیب پاتے ہیں مثلاً اللہ عَزَّوَجَلَّ ہاتھ میں لکھنے