Brailvi Books

    ترجمہ:شیشے کابرتن بھی صاف شفاف ہے اورشراب بھی پتلی ہے تووہ دونوں ایک جیسے ہو گئے اورمعاملہ مشتبہ ہو گیا گو یا شراب ہے اورپیالہ نہیں اور پیالہ ہے شراب نہیں۔

    عیسائیوں نے حضرت سیِّدُنا عیسٰی علیٰ نبینا وعلیہ الصلوٰۃو السلام کواسی نظرسے دیکھاتوانہیں آپ علیہ السلام میں انوارالٰہیہ چمکتے ہوئے نظرآئے جس سے ان کومغالطہ لگاجیسے کوئی شخص شیشے یاپانی میں ستارے کودیکھے اوریہ خیال کرے کہ ستارہ شیشے یاپانی میں ہے،اور اپنا ہاتھ بڑھاکراسے پکڑناچاہے ،توایسا شخص دھوکے کا شکارہے۔

    (مصنف رحمۃ اللہ تعالیٰ علیہ فرماتے ہيں)راہِ سلوک پر چلنے میں اس قدر دھوکے اورمغالطے ہیں جوکئی جلدوں میں بھی نہیں آسکتے شاید جو کچھ ہم نے ذکرکیا اس کو بھی چھوڑنازیادہ بہترتھا کیونکہ اس راستے پر چلنے والے کو دوسروں سے سننے کی ضرورت نہيں ہوتی اور جو اس راستے پرچلنے والانہیں اسے سننے کا کوئی فائدہ نہیں بلکہ بعض اوقات اسے نقصان ہوتاہے کیونکہ جب وہ ایسی بات سنتاہے جس کوسمجھ نہیں پاتا اور گھبرا جاتاہے لیکن اس کے سننے والے کوایک فائدہ ہے کہ وہ سنے اور توفیقِ خدا وندی اس کے شاملِ حال رہے، اوروہ یہ بات جان لے کہ جوکچھ اس کے مختصرذہن، ناقص خیال، مزین سوچ میں ہے معاملہ اس سے بلند ترہے اور اولیاء کرام کی بتائی ہوئی حکایات ومکاشفات کی تصدیق کرے لیکن جس پربدبختی غالب ہواوراس کے گناہوں نے اس کو گھیر لیا