Brailvi Books

لباب الاحیاء (احیاء العلوم کا خلاصہ)

292 - 415

    اللہ عَزَّوَجَلَّ نے رزق کے معاملہ میں اپنی ذات پر توکل اور بھروسہ کرنے کاحکم فرمایااوربندہ اس معاملے میں تو توکّل نہ کرے اور اس نے آخرت کے لئے عمل کرنے کا حکم دیا ہے لیکن اس معاملے میں توکّل کرے تو یہ انتہائی درجے کا تضاد ہے اور جو شخص اپنے آباؤاجداد کی پرہیزگاری اور نسبی تقوی پر بھروسہ کرتا ہے اسے چاہے کہ اللہ عَزَّوَجَلَّ کے اس فرمان میں غور کرے جوحضرت سیِّدُنا نوح علیہ السلام کو فرمایا گیا:

اِنَّہٗ لَیۡسَ مِنْ اَہۡلِکَ ۚ اِنَّہٗ عَمَلٌ غَیۡرُ صَالِحٍ ۫٭ۖ

ترجمۂ کنزالایمان: وہ تیرے گھر والوں میں نہیں، بے شک اس کے کام بڑے نالائق ہیں۔ (پ12، ھود:46)

    نبئ اَکرم،نورِ مجسم صلَّی اللہ تعالیٰ علیہ وآلہ وسلَّم کے اس فرمان میں غور کرے جب آپ نے اللہ عَزَّوَجَلَّ سے اپنی والدہ ماجدہ کی قبر کی زیارت اور ان کے لئے بخشش طلب کی تو آپ کو زیارت کی اجازت دی گئی لیکن استغفار کی اجازت نہ ملی تو آپ صلَّی اللہ تعالیٰ علیہ وآلہ وسلَّم روپڑے۔''۱؎

    حضور نبئ پاک، صاحبِ لَولاک، سیّاحِ اَفلاک صلَّی اللہ تعالیٰ علیہ وآلہ وسلَّم کافرمانِ عالیشان ہے:'' عقلمند وہ ہے جو اپنے نفس کی خواہشات کو کمزور کردے اور موت کے بعد آنے والی زندگی کے لئے عمل کرے اور بے وقوف وہ ہے جو نفسانی خواہشات کی پیروی کرے اور اللہ عَزَّوَجَلَّ سے لمبی امیدیں رکھے ۔''

(فردوس الاخبار للدیلمی ،باب الکاف، الحدیث ۴۹۶۶،ج۲،ص۱۸۵الاحمق بدلہ العاجز)

 میں تحریرفرماتے ہیں: ''استغفار کی اجازت نہ ملنے والی حدیث سے اُن(یعنی والدین مصطفی صلَّی اللہ تعالیٰ علیہ وآلہ وسلَّم)کا کفر لازم نہیں آتا کیونکہ ابتدائے اسلام میں نبئ کریم صلَّی اللہ تعالیٰ علیہ وآلہ وسلَّم کو مقروض کا جنازہ پڑھنے اور اس کے لئے استغفار کرنے سے منع فرمایا گیاتھا حالانکہ وہ مسلمان ہی ہوتا ہے۔

    استغفار کی اجازت نہ ملنے کی وجہ یا تو یہ ہے کہ نبئ اَکرم صلَّی اللہ تعالیٰ علیہ وآلہ وسلَّم کی والدہ ماجدہ رضی اللہ تعالیٰ عنہا باوجود یکہ توحید پرست تھیں، جنت سے برزخ میں ایسے امور کی وجہ سے رکی ہوں جو کفر نہ ہوں، اس بات کا تقاضا تھا کہ آپ صلَّی اللہ تعالیٰ علیہ وآلہ وسلَّم کو استغفار کی اجازت نہ دی جائے یہاں تک کہ اللہ عَزَّوَجَلَّ آپ صلَّی اللہ تعالیٰ علیہ وآلہ وسلَّم کو اس بارے میں اجازت دے۔'' 

    یا دوسری وجہ یہ ہے کہ آپ رضی اللہ تعالیٰ عنہا بلاشبہ موحِّدہ تھیں مگر ان تک معاد وبعثت کا معاملہ نہ پہنچا تھا اور یہ بہت بڑی اصل ہے تو اللہ تعالیٰ نے انہیں زندہ فرمایا تاکہ بعثت اور تمام شریعت پر ایمان لائیں یہی وجہ ہے کہ اللہ عَزَّوَجَلَّ نے ان کے زندہ کرنے کوحجۃ الوداع تک مؤخر کر دیایہاں تک کہ شریعت کی تکمیل ہوگئی۔جب یہ آیت نازل ہوئی:

 ترجمۂ کنز الایمان: آج میں نے تمہارے لئے تمہارا دین کامل کردیا(پ۶،المآئدۃ:۳)۔ توان کو زندہ کیا گیا اور وہ تمام نازل تعلیمات پر ایمان لائیں، یہ معنی نہایت ہی نفیس اور عمدہ ہے۔''