Brailvi Books
 |
لباب الاحیاء (احیاء العلوم کا خلاصہ) |
249 - 415
لیکن اگر اپنے سے بڑے پر غصہ آئے اور اسے خوف محسوس ہو تو خون ظاہری جلد سے اکٹھا ہو کرواپس چلا جاتا ہے، اس کا رنگ زرد ہو جاتا ہے اور وہ غمگین ہو جاتا ہے لیکن اگر غصہ کسی برابر والے پر آئے تو خون سکڑنے اور پھیلنے کی وجہ سے چہرے پر زردی اور سرخی والی کیفیات طاری ہوجاتی ہیں اور وہ مضطرب ہو جاتا ہے۔
مختصر یہ کہ دل غصے کا مقام ہے اور اس کا معنی یہ ہے کہ انتقام لینے کے لئے دل کے خون کا جوش مارنا۔انتقام لینے کے اعتبار سے لوگوں کے درجات:
اس اعتبار سے لوگوں کے تین درجے ہیں۔
پہلا درجہ: تفریط ہے، مطلب یہ کہ غصے کا بالکل نہ پایا جانا یا اس کا کمزور ہونا ہے اوراس سے مراد حَمِیَّت و غیرت کا نہ ہونا ہے جو کہ مذموم ہے۔ حضرت سیِّدُنا امام شافعی علیہ رحمۃ اللہ الکافی کے اس قول سے یہی مراد ہے کہ جس شخص کو غیرت دلائی جائے اسے پھر بھی غصہ نہ آئے، وہ گدھا ہے۔
دوسرا درجہ:اس سے مراد حالتِ اِعتدال ہے، یہی وہ وصف ہے جس کے ساتھ اللہ عَزَّوَجَلَّ نے صحابہ کرام علیہم الرضوان کی تعریف فرمائی۔ چنانچہ اللہ عَزَّوَجَلَّ نے قرآن مجید میں ارشاد فرمایا:اَشِدَّآءُ عَلَی الْکُفَّارِ رُحَمَآءُ بَیۡنَہُمْ