Brailvi Books

لباب الاحیاء (احیاء العلوم کا خلاصہ)

228 - 415

    حضرت سیِّدُنا امام جعفر بن محمد صادق رضی اللہ تعالیٰ عنہ ارشاد فرماتے ہیں:'' جب مجھے کوئی خواہش ہوتی ہے ،تو میں اپنے نفس پر نگاہ ڈالتاہوں، اگر ظاہر میں اس کی تمنا پاتاہوں ،تو اسے کھِلادیتاہوں، کیونکہ اس کے روکنے سے یہ افضل ہے اوراگر خواہش پوشیدہ ہو اورظاہر میں ترک کرنا چاہتاہے، تو اسے چھوڑنے کے ذریعے سزادیتاہوں اور اس میں سے کچھ نہیں کھاتا،تو اس پوشیدہ خواہش پر نفس کو سزاد ینے کا یہ طریقہ ہے ۔

    جان لو ! جو کھانے کی خواہش ترک کر دیتا ہے، لیکن ریاکاری میں پڑتاہے، تو وہ اس شخص کی طرح ہے جو بچھوسے بھاگ کر سانپ کے پاس چلا جائے۔

شرمگاہ کی شہوت توڑنے کا طریقہ:

    جان لو! دو فائدو ں کے لئے انسا ن کو جماع کی لذّت دی گئی:

    پہلا فائدہ: یہ ہے کہ اس سے لذّت حاصل کر کے اس پر آخرت کی لذّت کویاد کرے، کیونکہ اگر جماع کی لذت دیرپا ہوتی، تو تمام جسمانی لذَّات سے قوی ہوتی، جس طرح آگ کی تکلیف جسم کی تمام تکالیف سے بڑھ کر ہے۔

    دوسرا فائدہ: یہ ہے کہ اس میں نسل کی بقاء اور وجود کادوام ہے۔ لیکن ان دو فائدوں کے علاوہ اس میں ایسی آفات ہیں، کہ اگر انہیں قابو کر کے اعتدال کی حد کی طر ف نہ لوٹایا جائے تو وہ دین ودنیا کو ہلاک کر دیتی ہیں ۔

     اللہ عَزَّوَجَلَّ کے اس فرمانِ عالیشان: