(صحیح مسلم ،کتاب الفضائل ،باب شجاعتہ ،الحدیث ۶۰۰۶، ص ۸۵ ۱۰)
(الشمائل المحمدیۃ للترمذی ،باب ماجاء فی تواضع۔۔۔۔۔۔الخ،الحدیث۳۱۹،ص۱۹۳،مفھوماً)
آپ صلَّی اللہ تعالیٰ علیہ وآلہ وسلَّم تمام لوگوں سے زیادہ معاف فرمانے والے تھے۔(حدیث ِ پاک میں ہے)''آپ صلَّی اللہ تعالیٰ علیہ وآلہ وسلَّم نے کبھی بھی ایسی عورت کو ہاتھ نہیں لگایاجوآپ صلَّی اللہ تعالیٰ علیہ وآلہ وسلَّم کی لونڈی نہ ہویاآپ صلَّی اللہ تعالیٰ علیہ وآلہ وسلَّم کے نکاح میں نہ ہویاوہ آپ صلَّی اللہ تعالیٰ علیہ وآلہ وسلَّم کی محرم نہ ہو۔''
(صحیح البخاری ،کتاب الطلاق ،باب اذا اسلمت المشرکۃ ۔۔۔۔۔۔الخ ،الحدیث۵۲۸۸، ص۴۵۷، بتغیرٍ قلیلٍ)
آپ صلَّی اللہ تعالیٰ علیہ وآلہ وسلَّم سب لوگوں سے زیادہ سخی تھے۔
(المعجم الاوسط ،الحدیث۶۸۱۶،ج ۵، ص۱۳۱،مفہوماً)
آپ صلَّی اللہ تعالیٰ علیہ وآلہ وسلَّم کے پاس کوئی درہم ودیناررات کے وقت نہیں بچتے تھے اگرکوئی بچ جاتااورکوئی لینے والانہ ہوتا تو آپ صلَّی اللہ تعالیٰ علیہ وآلہ وسلَّم اس وقت تک گھرمیں داخل نہ ہوتے جب تک آپ صلَّی اللہ تعالیٰ علیہ وآلہ وسلَّم محتاج لوگوں کودے کراس سے بری الذمہ نہ ہوجاتے۔
(سنن ابی داؤد ،کتاب الخراج ،باب فی الامام یقبل ھدایا۔۔۔۔۔۔الخ، الحدیث۳۰۵۵، ص۱۴۵۳، مختصرًا)
اللہ عَزَّوَجَلَّ نے جوکچھ آپ صلَّی اللہ تعالیٰ علیہ وآلہ وسلَّم کوعطافرمایاآپ صلَّی اللہ تعالیٰ علیہ وآلہ وسلَّم اس سے صرف ایک سال کی غذا حاصل کرتے،اور وہ بھی سب سے زیادہ ارزاں(یعنی سستے) کھجوریں اورجَوہوتے۔باقی سب کچھ اللہ عَزَّوَجَلَّ کی راہ میں صدقہ فرمادیتے۔
(صحیح مسلم ،کتاب الجھاد ،باب حکم الفیء ،الحدیث۴۵۷۵،ص۹۸۹،مختصرًا)
جب بھی آپ صلَّی اللہ تعالیٰ علیہ وآلہ وسلَّم سے کوئی چیزبھی مانگی جاتی عطافرماتے۔
(المسند للامام احمد بن حنبل ،مسند انس بن مالک بن النضر ،الحدیث۱۳۹۷۷،ج۴،ص۵۵۶)
پھر اپنے سال بھر کی خوراک میں سے مانگنے والوں کو اپنے آپ پر ترجیح دیتے یہاں تک کہ بعض اوقات سال پورا ہونے سے پہلے خوراک ختم ہوجاتی اور اگر آپ صلَّی اللہ تعالیٰ علیہ وآلہ وسلَّم کی بارگاہ میں کوئی چیز نہ پیش کی جاتی توآپ صلَّی اللہ تعالیٰ علیہ وآلہ وسلَّم صبر فرماتے۔
