Brailvi Books

 علیہ وآلہ وسلَّم کافرمانِ والاشان ہے:''بےشک اللہ عَزَّوَجَلَّ نے اسلام کواچھے اخلاق اورعمدہ اعمال سے ڈھانپاہے اوراچھاسلوک کرنا، اچھاعمل کرنا،نرم گفتگوکرنا،نیکی کرنا،کھاناکھلانا،سلام کو عام کرنا،مسلمان مریض کی عیادت کرناخواہ وہ نیک ہویافاسق و فاجر ، مسلمان کے جنازے میں شریک ہونا، مسلمان یاکافرپڑوسی کے ساتھ اچھاسلوک کرنا،بوڑھے مسلمان کی عزت کرنا، کھانے کی دعوت قبول کرنا،مہمان کے لئے دعاکرنا،معاف کرنا،صلح کرانا،سخاوت، کرم نوازی،بخشش کرنا،سلام میں ابتداء کرنا،غصہ پر قابو رکھنااورلوگوں کومعاف کرنا حسنِ اخلاق سے ہے۔''

    اسلام کاحسن ان چیزوں سے ختم ہوجاتا ہے:'' کھیل کود، گانے بجانے کے تمام آلات،ہرکینہ وعیب کی بات،جھوٹ، غیبت، بخل،کنجوسی،جفا،دھوکا، مکر وفریب ،چغلی،لوگوں کے درمیان بگاڑپیداکرنا،قطع رحمی،بداخلاقی،تکبر،فخر،شیخی بگھارنا، اِترانا، مذاق کرنا،فحش باتیں کرنااورسننا،کینہ، حسد،بدفالی،سرکشی،دشمنی اورظلم کرنا۔

    حضرت سیِّدُنا اَنَس رضی اللہ تعالیٰ عنہ فرماتے ہیں : نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحروبَر صلَّی اللہ تعالیٰ علیہ وآلہ وسلَّم نے ہمیں خیرخواہی کی ہر بات بتائی اوراس کاحکم دیااورہر کھوٹ یاعیب سے ہمیں ڈرایااوراس سے منع فرمایا اور ان سب کے متعلق یہ آیت کافی ہے: