جان لیجئے !گوشہ نشینی اختیارکرنے کے بارے میں علماء کااختلاف ہے۔ بعض علماء نے گوشہ نشینی کوپسندکیاہے اوراسے میل جول سے افضل قراردیاہے ،ان علماء میں حضرت سیِّدُناسفیان ثوری،حضرت سیِّدُنا ابراہیم بن ادہم، حضرت سیِّدُنا داؤد طائی ، حضرت سیِّدُنا فضیل بن عیاض،حضرت سیِّدُنا سلیمان خواص،اورحضرت سیِّدُنا بشرحافی رحمۃاللہ تعالیٰ علیہم شامل ہیں،جب کہ اکثر تابعین نے میل جول کوپسندکیا ہے کیونکہ دوستوں کابکثرت ہونانیکی وتقوٰی کے کاموں میں معاون ہوتاہے اوران علماء نے اُخوّت اوراُلفت کے بارے میں وارد ہونے والے نبئ اَکرم صلَّی اللہ تعالیٰ علیہ وآلہ وسلَّم کے اس فرمان سے استدلال کیا ہے کہ جب نبئ اَکرم صلَّی اللہ تعالیٰ علیہ وآلہ وسلَّم کی بارگاہ میں ایک شخص پیش کیاگیاجوپہاڑوں میں رہ کر عبادت کرنا چاہتاتھا توآپ صلَّی اللہ تعالیٰ علیہ وآلہ وسلَّم نے ارشاد فرمایا:''نہ تم ایساکرو اورنہ ہی تم میں سے کوئی دوسرا ایسا کرے کہ تمہارااسلام کے بعض مقامات پرصبرکرناچالیس سال تک (تنہا) عبادت کرنے سے افضل ہے۔''
