Brailvi Books
 |
لباب الاحیاء (احیاء العلوم کا خلاصہ) |
158 - 415
ایسانہیں جواس کی نافرمانی کرتاہولیکن فرمانبرداری نہ کرے، جس کی اطاعت اس کی نافرمانیوں پرغالب ہوتویہ عدل ہے۔ جب یہ چیزاللہ عَزَّوَجَلَّ کے حق میں عدل ہے توتیرے حق میں زیادہ بہترہے پس تو خوبیوں کوظاہرکرنے والااوربری بات پرپردہ ڈالنے والاہوجاکیونکہ دعامیں اللہ عَزَّوَجَلَّ کی ان الفاظ کے ساتھ صفت بیان کی جاتی ہے اورکہاجاتاہے:
''یَا مَنْ یُّظْہِرُ الْجَمِیْلَ، وَیَسْتُرُ عَلَی الْقَبِیْحِ
ترجمہ:اے اچھائیوں کوظاہرکرنے والے اور برائیوں کی پردہ پوشی فرمانے والے۔''
جانناچاہے !وہ شخص اللہ عَزَّوَجَلَّ کے ہاں پسندیدہ ہے، جواللہ عَزَّوَجَلَّ کی صفات سے متصف ہوکیونکہ وہ عیبوں پرپردہ ڈالنے والا اورگناہوں کوبخشنے والاہے۔یاد رکھو!آدمی کاایمان اس وقت تک مکمل نہیں ہوتا جب تک وہ اپنے بھائی کے لئے بھی وہی پسندنہ کرے جواپنے لئے پسندکرتاہے۔ اس میں کوئی شک نہیں کہ وہ اس سے توقع رکھتاہے کہ وہ اس کی پردہ پوشی کرے،اس کی لغزشوں کومعاف کرے اوراس کے راز وں کوچھپائے۔
کہاجاتاہے کہ آزاد لوگوں کے سینے رازوں کی قبریں ہیں اوریہ بھی کہاجاتاہے کہ بیوقوف کادل اس کے منہ میں ہوتاہے اورعقل مندکی زبان اس کے دل میں ہوتی ہے۔ابنِ مُعْتَزکاشعرہے:وَمُسْتَوْدَعِیْ سِرّاً تَبْوَاْتُ کَتْمَہ، فَاَوْدَعْتُہ، صَدْرِیْ فَصَارَ لَہٗ قَبْرًا