Brailvi Books

    جانناچاہے !اُخوت دوآدمیوں کے درمیان رابطہ ہوتاہے جس طرح میاں بیوی کے درمیان عقدنکاح ہے۔ جب بھائی چارہ قائم ہوجائے تویہ تیرے مال،نفس،زبان اوردل پرکچھ حقوق لازم کرتاہے کہ تم اسے معاف کرو،اس کے لئے دعاکرو،اخلاص ووفاسے پیش آؤاورتکلیف وتکلّف کوچھوڑ دو۔

     (۱)مال: یہ حق مال کے متعلق ہے اوراس میں سب سے کم مرتبہ یہ ہے کہ تم اسے اپنے غلام کی طرح سمجھواوراس کی ضرورت پوری کرناتمہارامقصدہواور اس میں درمیانہ درجہ یہ ہے کہ تم اسے اپنے جیساسمجھوکیونکہ اخوت شرکت اورمساوات کولازم کرتی ہے اور اس میں بلنددرجہ یہ ہے کہ تو اسے اپنے اوپرترجیح دے اس طرح کہ تواپنی حاجت چھوڑدے تاکہ اس کی حالت درست ہو جائے اوریہ بلندترین درجات میں سے ہے ،اس کے متعلق بہت سی احادیث مبارکہ واردہیں۔چنانچہ،

    تاجدارِ رِسالت، شہنشاہِ نُبوت، مَخْزنِ جودوسخاوت، پیکرِعظمت و شرافت، مَحبوبِ رَبُّ العزت،محسنِ انسانیت عَزَّوَجَلَّ و صلَّی اللہ تعالیٰ علیہ وآلہ وسلَّم کافرمانِ محبت نشان ہے:''جب دوآدمی ایک دوسرے کے ساتھ (اللہ عَزَّوَجَلَّ کے لئے)دوستی اختیارکرتے ہیں توان میں سے اللہ عَزَّوَجَلَّ کو زیادہ پسندوہ ہوتاہے جواپنے ساتھی پرزیادہ نرمی کرنے والاہوتاہے۔