Brailvi Books

    جانناچاہے !دارِ حرب سے لی جانے والی چیزیں حلال ہیں خواہ وہ کسی بھی طریقے سے لی جائیں۔اسی طرح شکارکے ذریعے یالکڑی جمع کرنے کے ساتھ جس کاوہ مالک ہویاجوچیزیں کانوں سے نکالی جاتی ہيں اورجوکچھ اہل حرب سے لیاجاتاہے وہ خمس (یعنی پانچواں حصہ) نکالنے کے بعدحلال ہوتاہے جبکہ وہ بادشاہ کی طرف سے جنگ کی صورت میں حاصل ہواورحدِ ضرر تک مٹی کھاناحرام ہے اوراس کے بارے میں ممانعت کاحکم واردہے جسے عمومِ تحریم سے جانا جاتاہے پس اس سے بچنابہترہے۔

حلال وحرام کے درجات:

    جانناچاہے ! حرام سارے کاسارا حرام ہے البتہ بعض دوسرے بعض کی نسبت زیادہ خبیث ہے اورحلال تمام کاتمام پاک ہے البتہ بعض حلال دوسرے بعض سے زیادہ پاک اورصاف ہوتاہے۔پس ان کے مختلف درجات ہیں۔

    پہلادرجہ: حرام میں سے پہلا اورسب سے کم درجہ وہ ہے کہ جس کے حرام ہونے کافقہاء نے فتوی دیاہواس سے بچنا ضروری ہے۔

    دوسرادرجہ:صالحین کاتقویٰ ہے یعنی ہر اس چیزسے بچنا جس میں حرام ہونے کااحتمال ہواگرچہ ظاہرکی بنیادپر مفتی اسے کھانے کی اجازت دے دے لیکن یہ منجملہ شبہ کے مقامات سے ہے۔