Brailvi Books
 |
لباب الاحیاء (احیاء العلوم کا خلاصہ) |
134 - 415
اختیار کرے جو اسے پسندیدہ ہو اور مہمانوں سے یہ بات کہنے میں بھی حر ج نہیں کہ جو چاہو پسند کرو کیونکہ اس میں بہت زیادہ ثواب ہے۔
حضرت سیِّدُناجابر رضی اللہ تعالیٰ عنہ سے مروی ہے کہ تاجدارِمدینہ، قرارِقلب وسینہ صلَّی اللہ تعالیٰ علیہ وآلہ وسلَّم کافرما نِ جنّت نشان ہے: ''جو شخص اپنے بھائی کی خواہش کے مطابق اسے لذت پہنچا تا ہے تو اللہ عَزَّوَجَلَّ اس کے لئے دس لاکھ نیکیاں لکھ دیتا ہے ، اس کے د س لاکھ گناہ مٹا دیتا ہے اور اس کے دس لاکھ درجات بلند فرماتا ہے اور اللہ عَزَّوَجَلَّ اسے تین جنتوں جنت الفردوس ، جنت عدن اور جنت خلد سے کھلائے گا ۔''
مہمان سے یہ نہ کہے کہ کیا میں آپ کے لئے کھانا پیش کرو ں ؟ بلکہ اسے چاہے کہ اس کے سامنے کھانارکھ دے اگر وہ کھائے تو ٹھیک ورنہ اٹھالیا جائے ،اسی طر ح حضرت سیِّدُناسفیان ثوری رحمۃ اللہ تعالیٰ علیہ نے فرمایا ہے۔ضیافت(یعنی مہمان نوازی) کے آداب:
اللہ کے مَحبوب، دانائے غُیوب، مُنَزَّہ ٌعَنِ الْعُیوب عَزَّوَجَلَّ و صلَّی اللہ تعالیٰ علیہ وآلہ وسلَّم کافرمانِ ہدایت نشان ہے:'' مہمان کے لئے تکلف نہ کرو کیونکہ اس طرح تم اس سے نفرت کرنے لگو گے اور جو مہمان سے نفرت کرتا ہے وہ اللہ عَزَّوَجَلَّ سے بغض کرتا ہے اور جو شخص اللہ عَزَّوَجَلَّ سے بغض کرتا ہے اللہ عَزَّوَجَلَّ ا سے ناپسند کرتا ہے۔''
(البحر الزخار بمسند البزار، مسند سلمان الفارسی، الحدیث:۲۵۱۴،ج۶، ص۴۸۲، مختصراً)