Brailvi Books

    بندے کوچاہے کہ اس دعوت میں نہ جائے جس میں اسے نہیں بلایا گیا۔حدیث  مبارک میں ہے:

اَنَّ مَنْ مَّشٰی اِلَی الطَّعَامِ لَمْ یُدْعَ اِلَیْہِ مَشٰی فَاسِقًا،وَّ اَکَلَ حَرَامًا۔

ترجمہ: جو شخص ایسی دعوت میں گیا جہاں اسے نہیں بلایاگیا تھا وہ فاسق بن کر گیا اور اس نے حرام کھایا۔

(فردوس الاخبار للدیلمی ،باب المیم ،الحدیث۶۱۱۷،ج۲،ص۲۸۷)

    البتہ! جب اسے معلوم ہو کہ صاحب ِدعوت اس کی آمد پر خوش ہوگا تو جا سکتا ہے۔

    رسول اکرم،نور مجَسَّم،شاہِ بنی آدم صلَّی اللہ تعالیٰ علیہ وآلہ وسلَّم ، امیرالمؤمنین حضرت سیِّدُناابو بکر صدیق اور امیرالمؤمنین حضرت سیِّدُناعمر فاروق رضی اللہ تعالیٰ عنہما نے حضرت سیِّدُنا ابوہیثم بن تیہان اور حضرت سیِّدُناابو ایوب انصاری رضی اللہ تعالیٰ عنہما کے گھر کا ارادہ کیا اوریہ تینوں حضرات بھوک سے تھے۔''

(جامع الترمذی،ابواب الزھد باب ماجاء فی معیشۃ اصحاب النبی  الحدیث: ۲۳۶۹،ص۱۸۸۹، مفھوماً)

    اگر وہ جائے اور صاحب خانہ گھر پر نہ ہو اور اسے معلوم ہو کہ وہ اس کے کھانے پر خوش ہوگا تو آگے بڑھ کر کھانا کھالے۔ اور کھانے کے آداب میں سے یہ بھی ہے کہ وہ اپنے بھائی سے کسی مخصو ص چیز کا مطالبہ نہ کرے کیونکہ ہوسکتا ہے اس چیز کا حاضر کرنا اس پر مشکل ہو البتہ اگر اسے یقین ہو(کہ بآسانی مل جائے گی) تو حرج نہیں ۔اگر وہ دو کھانوں میں سے ایک کا اختیار دے تو اسے