Brailvi Books

     اور کھانے کی طر ف اسی وقت بڑھے جب بھوکا ہو کیونکہ سیر ہونے کے با وجودپیٹ بھرکر کھانا دل کو سخت کردیتا ہے اور شکم سیر ہونے سے پہلے کھانے سے ہاتھ روک لے (جب روٹی آجائے )تو لذیذکھانے اور سالن کا انتظار نہ کرے کیونکہ رو ٹی کی عزت یہی ہے کہ اس کے لئے سالن کا انتطار نہ کیاجائے ۔

    اورکھانا مل کر کھانا چاہے اگر چہ گھر والے او ربچے ہوں کیونکہ بہترین کھانا وہ ہے جس پر زیادہ ہاتھ جمع ہوں۔

    حضرت سیِّدُنا انس رضی اللہ تعالیٰ عنہ روایت فرماتے ہیں :'' نبی اکرم صلَّی اللہ تعالیٰ علیہ وآلہ وسلَّم تنہا کھانا تناول نہ فرماتے تھے ۔''

(مکارم الاخلاق للخرائطی ،باب ماجاء فی اطعام الطعام۔۔۔۔۔۔الخ ،الحدیث۳۱۷،ج۱،ص۳۳۱)

آدابِ طعام (یعنی کھانے کے آداب) کا بیان:

    شر وع میں

بسم اللہ

اور آخر میں

الحمد للہ

پڑھے اور ہر لقمہ کے ساتھ

بسم اللہ

کہنا اچھا ہے تاکہ اسے کھانے کی حرص اللہ عَزَّوَجَلَّ کے ذکر سے غافل نہ کردے ،پس پہلے لقمہ کے ساتھ

بسم اللہ ،

دو سرے کے ساتھ

بسم اللہ الرحمٰن

اور تیسرے لقمہ کے ساتھ

بسم اللہ الرحمٰن الرحیم

پڑھے اور بلند آواز سے پڑھے تا کہ دو سرو ں کو بھی یا د آجائے ۔دائیں ہاتھ سے کھائے، نمک سے شرو ع کرے اور اسی پر ختم کرے، لقمہ چھوٹا ہوا ور اسے اچھی طرح چبا ئے، جب تک پہلے لقمہ کو نگل نہ لے دوسرے لقمہ کی طر ف ہاتھ نہ بڑھائے اور کھانے میں عیب نہ نکالے کیونکہ نبی اکرم صلَّی اللہ تعالیٰ علیہ وآلہ وسلَّم کبھی بھی کھانے میں عیب