جان لو! اللہ عَزَّوَجَلَّ نے زمین کو اپنے بندو ں کے لئے نرم بنایاتا کہ وہ اسے ٹھکانہ بنائیں اور اس سے زادِراہ حاصل کریں، اس کے مصائب اور ہلاکتو ں سے بچیں اور یہ جان لیں کہ زندگی ان کو اس طر ح لے جارہی ہے جس طر ح کشتی اپنے سوار کو لے جاتی ہے پس لوگ اس جہاں میں سفر میں ہیں ان کی پہلی منزل پنگھوڑا اور آخری منزل قبر ہے اور وطن جنت یا دو زخ ہے ، عمر سفر کی مسافت ، اس کے سال اس کے مراحل اور مہینے فر سخ ہیں۔ اس کے دن میل ، سانس قد م ، عبادت پونجی اور اوقات اصل سر مایہ ہیں، اس کی خواہشات واغراض ڈاکو ہیں، اس کا نفع سلامتی کے گھر میں بڑی سلطنت اورہمیشہ کی نعمت کے ساتھ اللہ عَزَّوَجَلَّ کی ملاقات کے ذریعے کا میا بی حاصل کرنا ہے او راس کا نقصان (نعوذ باللہ)اللہ عَزَّوَجَلَّ سے دوری کے ساتھ عبرتناک سزائیں ، طو ق اور جہنم کے درجات میں درد ناک عذاب ہے پس جو شخص اپنی عمر میں ایک سانس بھی غفلت میں گزارے تو اسے اس قد ر حسرت ہوگی جس کی انتہا نہیں اور اس قد ر نقصان ہوگا جس کااختتام نہیں ۔
