Brailvi Books
 |
لباب الاحیاء (احیاء العلوم کا خلاصہ) |
117 - 415
حرف میں غور کرتا ہے حتی کہ تو اس سے کچھ بھی نہیں چھوڑتااور یہ میر ی کتاب ہے جسے میں نے تیری طرف اتا را ہے ،دیکھ ! میں نے اس میں تیرے لئے کتنی با تو ں کو تفصیل سے بیان کیا اور کتنی با تو ں کو تکرار سے بیان کیا تا کہ تو اس کے طول وعرض میں غورو فکر کرے پھرتو اس سے منہ پھیر تا ہے، کیامیں تیرے نزدیک تیرے بھائی سے بھی پیچھے ہوں؟ اے میرے بندے ! تیرا بھائی تجھے کوئی واقعہ سنا تا ہے تو تُوپوری طرح متو جہ ہو کر سنتا ہے اور پوری دل جمعی سے اس کی با تو ں کو سنتا ہے، اگر کوئی درمیان میں بات کرتا ہے یا تجھے اس کی بات سے بے توجہ کرتا ہے تو تو اشارے سے اسے رو کتا ہے جب کہ میں تیری طر ف متو جہ ہو ں اور تجھ سے کلام کرتا ہوں اور تو اپنا دل مجھ سے پھیر لیتاہے کیا تو نے مجھے اپنے بھائی سے بھی ہلکا سمجھ رکھا ہے؟'' اللہ عَزَّوَجَلَّ اس سے بہت زیادہ بلند و اعلیٰ ہے ۔
قرآن پاک پڑھنے کے آداب:
تلاوت کرنے والے کو چاہے کہ وہ با وضو ہواور حالتِ ادب میں کھڑا یا بیٹھا ہو او ر سب سے افضل نماز میں حالتِ قیام میں قراء ت کرنا ہے۔ سرکارِ والا تَبار، ہم بے کسوں کے مددگار، شفیعِ روزِ شُمارصلَّی اللہ تعالیٰ علیہ وآلہ وسلَّم کافرمانِ ہدایت نشان ہے:
مَنْ قَرَأَ الْقُرْآنَ فِیْ اَقَلَّ مِنْ ثَلاَثٍ لَمْ یَفْھَمْہُ۔