Brailvi Books

۔۔۔۔۔۔الخ۔جیسا کہ پہلے بیان ہو چکا ہے۔

    (۴)پہلے تین چکروں میں رمل کرے۔ ۱؎ اور آخری چار چکروں میں سکون سے چلے اور ہر چکر میں حجر اسود اور رکن یمانی کا اِستِلا م مستحب ہے۔ ۲؎

    (۵)جب طواف کے سات چکر پورے ہوجائیں تو ملتزم کے پاس آئے اور یہ حجر اسود اور دروازے کے درمیان ہے یہ وہ جگہ ہے جہاں دعا قبول ہوتی ہے،بیت اللہ شریف سے چمٹ جائے، اپنے پیٹ کو بیت اللہ شریف سے ملادے اور بیت اللہ شریف کے پردوں سے چمٹ جائے اس پر اپنا دایاں رخسار رکھے اور بازوؤں اور ہتھیلیوں کو اس پر کھول دے اور کہے :''اے اللہ عَزَّوَجَلَّ! اے اس قدیم گھر کے رب! میری گردن کو جہنم سے آزاد فرما اور مجھے مردود شیطان سے پناہ عطا فرما اور ہر برائی سے پناہ دے اور جو چیز تو نے مجھے عطا فرمائی اس پر قناعت عطا فرما اور جو کچھ مجھے عطا فرمایا اس میں برکت پید افرما۔اے اللہ عَزَّوَجَلَّ! یہ گھر تیرا ہے ،یہ بندہ تیرا بندہ ہے اور یہ جہنم سے تیری پناہ طلب کرنے والوں کا مقام ہے۔ اے اللہ عَزَّوَجَلَّ!مجھے اپنی بارگاہ میں انے والوں میں سے بہتر لوگوں میں کردے۔

    اور بکثرت اللہ عَزَّوَجَلَّ کی حمد بیان کرے اور نبی اکرم صلَّی اللہ تعالیٰ علیہ وآلہ وسلَّم اور تمام انبیاء کرام علیہم السلام پر درود بھیجے۔

    (۶)جب اس سے فارغ ہو تو مقام ابراہیم(علیہ السلام) کے پیچھے دو رکعتیں پڑھے، پہلی رکعت میں سورۃ الکافرون اور دوسری میں سورۂ اخلاص کی تلاوت کرے۔ یہ طواف کی دورکعتیں ہیں۔امام زہری رحمۃ اللہ تعالیٰ علیہ فرماتے ہیں:''یہ سنت ہے کہ بندہ ہر سات چکروں کے بعد دورکعت نماز ادا کرے۔''